Archived information

This Web page has been archived on the Web. Archived information is provided for reference, research or record keeping purposes. It is not subject to the Government of Canada Web Standards and has not been altered or updated since it was archived. Please contact us to request a format other than those available.

 
ᐃᓄᓕᕆᔨᑐᖃᒃᑯᑦ ᑲᓇᑕᒥ
Symbol of the Government of Canada

Canada’s Northern Strategy

www.northernstrategy.gc.ca

Liens de la barre de menu commune / Common menu bar links

ᐱᓕᕆᐊᔅᓴᐃᑦ ᐊᑖᒍᑦ ᑲᓇᑕᐅᑉ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᖏᓐᓄᑦ, 2007-2011 ᑲᓇᑕᐅᑉ ᐅᑭᐅᖅᑕᖅᑐᖓᓂ ᖃᓄᐃᓕᐅᕈᑎᔅᓴᓕᐊᖑᓯᒪᔪᑦ

Inuktitut - PDF Format (2.5 Ko, 20 pages)





ᑲᓇᑕᐅᑉᐅᑭᐅᖅᑕᖅᑐᖓᓂᖃᓄᐃᓕᐅᕈᑎᔅᓴᓕᐊᖑᓯᒪᔪᑦ

ᐅᑭᐅᖅᑕᖅᑐᒥ ᐃᓚᒋᔭᐅᒻᒪᕆᒻᒪᑕ ᑲᓇᑕᒥᐅᓄᑦ ᐱᒋᔭᐅᔪᓄᑦ, ᑲᓇᑕᒥᐅᑕᐅᓄᑦ ᑭᓇᒃᑰᓂᖏᓐᓄᑦ ᐊᒻᒪᓗ ᐃᓚᒋᔭᐅᔭᕆᐊᖃᒻᒪᕆᒃᓱᓂ ᓯᕗᓂᒃᓴᑎᓐᓄᑦ. ᑲᓇᑕᐅᑉ ᒐᕙᒪᒃᑯᖏᑦ ᓴᕿᑎᑦᑎᓚᐅᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᒥᐅᓂ ᖃᓄᐃᓕᐅᕈᑎᔅᓴᖏᓐᓂᒃ 2007−ᖑᑎᓪᓗᒍ, ᐊᒻᒪᓗ 2009-ᒥ ᓴᕿᑎᑦᑎᓚᐅᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᒥ ᖃᓄᐃᓕᕈᑎᔅᓴᖏᑦ: ᐅᑭᐅᖅᑕᕗᑦ, ᓄᓇᖁᑎᕗᑦ, ᓯᕗᓂᒃᓴᕗᑦ. ᖃᓄᐃᓕᐅᕈᑎᒃᓴᐃᑦ ᐃᓗᓕᖃᖅᐳᑦ ᑕᒪᐃᓐᓂᒃ ᐱᖃᓯᐅᔾᔨᓯᒪᔪᓂᒃ ᑕᐅᑐᒐᕆᔭᐅᔪᓂᒃ ᐅᑭᐅᖅᑕᖅᑐᒧᑦ ᐊᒻᒪᓗ ᐅᓂᒃᑲᖅᑕᐅᓂᖏᓐᓂᒃ ᒐᕙᒪᒃᑯᑦ ᐱᒻᒪᕆᐅᔪᓂᒃ ᐱᓕᕆᐊᕆᓂᐊᖅᑕᖏᓐᓂᒃ, ᐊᒻᒪᓗ ᐊᑭᓕᖅᑐᖅᓂᐊᖅᑕᖏᓐᓂᒃ ᐅᑭᐅᖅᑕᖅᑐᒥ. ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᓕᐊᖑᓯᒪᔪᑦ ᓴᖏᔫᒋᐊᒃᑲᓐᓂᖅᑎᑕᐅᓯᒪᕗᑦ ᐱᒻᒪᕆᐅᔪᑎᒍᑦ ᐅᑭᐅᖅᑕᖅᑐᒥᐅᑕᓕᕆᓂᕐᒧᑦ ᑲᓇᑕᐅᑉ ᓯᓚᑖᓂᒥᐅᑕᓕᕆᓂᕐᒧᑦ ᐊᑐᐊᒐᖏᓐᓄᑦ, ᓇᓗᓇᐃᒃᑯᑕᕆᔭᐅᓕᖅᓱᑎᒃ ᑲᓇᑕᒧᑦ, ᓄᓇᕐᔪᐊᓕᒫᒥᐅᓄᑦ ᐊᓯᖏᓐᓄᑦ ᐱᓕᕆᓂᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᖅᓯᒪᑦᑎᐊᖅᐳᑦ ᐊᕕᒃᑐᖅᓯᒪᓂᖏᓐᓂᒃ ᐊᒻᒪᓗ ᓄᓇᖄᖃᖅᑐᓂ ᓯᕗᓕᐅᖅᑎᓂ, ᐅᑭᐅᖅᑕᖅᑐᒥᐅᑕᐅᖃᑕᐅᔪᓂ ᐊᒻᒪᓗ ᐃᓚᒋᔭᒥᓂᒃ ᓄᓇᔫᑉ ᖄᖓᓂ ᐅᑭᐅᖅᑕᖅᑐᒥᐅᑕᐅᖃᑕᐅᔪᓂᒃ ᐊᓯᖏᓐᓂᒃ ᓄᓇᓕᒡᔪᐊᕐᓂᒃ, ᐅᔾᔨᑐᑦᑎᐊᕋᓱᐊᕐᓂᕐᒧᑦ ᐅᑭᐅᖅᑕᖅᑐᒥ ᑕᒪᐃᓐᓂᒃ ᐱᔪᓐᓇᕐᓂᓕᒫᒥᓂᒃ ᖃᑭᒪᔪᓐᓇᕐᓂᐊᕐᒪᑦ ᓴᖏᔫᓗᓂ ᑲᓇᑕᒧᑦ ᓄᓇᒋᔭᐅᔪᓗᓂᓗ ᑲᓇᑕᒧᓪᓗ ᐊᐅᓚᑕᐅᓂᖓᓂ.

ᐅᑭᐅᖅᑕᖅᑐᒥᐅᑕᐃᑦ ᐊᒻᒪᓗ ᐅᑭᐅᖅᑕᖅᑐᒥᐅᓄᑦ ᖃᓄᐃᓕᐅᕈᑎᒃᓴᓕᐊᖑᓯᒪᔪᑦ

ᐅᑭᐅᖅᑕᖅᑐᒥᐅᑕᐃᑦ ᕿᑎᐊᓃᒻᒪᕆᖕᒪᑕ (ᐆᒻᒪᑎᐊᓃᒻᒪᑕ) ᐅᑭᐅᖅᑕᖅᑐᒥ ᖃᓄᐃᓕᐅᕈᑕᐅᒋᐊᕐᓂᐊᖅᑐᓂ. ᑕᒪᕐᒥᑦᑎᐊᖅ ᑲᓇᑕᒥᐅᑦ ᐅᐱᒍᓱᖃᑕᐅᔪᓐᓇᖅᑐᑦ ᑲᔪᓯᕙᓪᓕᐊᓂᑦᑎᓐᓂ ᐱᕙᓪᓕᐊᓪᓗᑕ ᐱᒻᒪᕆᐅᔪᓂᒃ ᐃᓱᒪᓘᑕᐅᔪᓂᒃ ᐃᓄᖁᑎᑦᑎᓐᓄᑦ ᓄᓇᖃᖅᑐᓄᑦ ᐅᑭᐅᖅᑕᖅᑐᒥ, ᐊᒻᒪᓗ ᓯᕗᓂᒃᓴᑦᑎᓐᓄᑦ ᓄᓇᕐᔪᐊᑦᑎᓐᓄᑦ. ᐅᑭᐅᖅᑕᖅᑐᒥᐅᑕᐃᓪᓗ ᓄᓇᖄᖃᖅᑐᑐᖃᐃᑦ, ᓄᓇᖄᖃᖅᑐᑦ ᐊᓪᓚᐃᑦ, ᐊᓪᓚᖓᔪᐃᓪᓗ, ᐃᓄᐃᓪᓗ, ᐱᒻᒪᕆᐅᔪᓂᒃ ᑕᒪᕐᒥᒃ ᐃᑲᔪᖅᓯᒪᔪᑦ ᑐᑭᓯᐅᒪᓂᑦᑎᓐᓄᑦ ᐊᒻᒪᓗ ᖁᔭᓕᓯᒪᔾᔪᑎᒋᔪᓐᓇᖅᑕᑦᑎᓐᓄᑦ ᑕᒪᑦᑕ ᐊᑐᖅᓯᒪᔭᑦᑎᓐᓄᑦ ᐱᕙᓪᓕᐊᓯᒪᓂᖅ, ᐊᒻᒪᓗ ᑲᔪᓰᓐᓇᖅᐳᑦ ᐊᔭᐅᖅᑎᐅᓂᕐᒥᒃ ᖃᓄᖅ ᐃᓅᖃᑕᐅᑎᓂᑦᑎᓐᓂᒃ.

ᐊᔭᐅᖅᑕᐅᓂᖅ ᐃᓅᓯᓕᕆᓂᒃᑯᑦ ᐊᒻᒪᓗ ᑮᓇᐅᔭᓕᐅᖃᑕᔪᓐᓇᕐᓂᒃᑯᑦ ᐱᕙᓪᓕᐊᓂᖅ.

ᑲᓇᑕᐅᑉ ᒐᕙᒪᒃᑯᖏᑦ ᐱᓂᐊᕐᓂᖅᑕᖃᖅᐳᑦ ᐅᔾᔨᖅᑐᕐᓂᐊᕐᓂᖅ ᓴᖏᔫᓂᐊᖅᑐᖅ ᐊᒻᒪᓗ ᐊᔪᖅᓴᖏᑦᑑᖃᑕᐅᓂᐊᖅᑐᖅ ᐅᑭᐅᖅᑕᖅᑐᖅ ᐃᑲᔪᕐᓂᖃᕐᓂᐊᕐᓂᖓᓂᒃ ᓯᕗᓂᒃᓴᑦᑎᓐᓂ ᖃᓄᐃᓕᖓᓂᐊᕐᓂᖅ ᓄᓇᕐᔪᐊᕗᑦ. ᑕᐃᒪᖓᑦ 2007−ᖑᓚᐅᖅᑐᒥᒃ, ᑲᓇᑕ ᐱᒻᒪᕆᐅᔪᓂᒃ ᐊᑭᓕᖅᑐᐃᕙᓪᓕᐊᓕᖅᓯᒪᔪᖅ ᐱᐅᓯᒋᐊᕈᑎᒃᓴᓄᑦ ᐃᓅᓯᕆᔭᐅᔪᓂ ᐊᒻᒪᓗ ᑮᓇᐅᔭᓕᐅᖃᑕᐅᔪᓐᓇᕐᓂᖏᓐᓂ ᐅᑭᐅᖅᑕᖅᑐᒥᐅᑦ.

ᑲᓇᑕᐅᑉ ᒐᕙᒪᒃᑯᖏᑦ ᐊᕐᕋᒍᑕᒪᖅ ᑐᓂᓯᒪᓲᖑᕗᑦ ᒪᓕᒐᖅᑎᑦᑎᖏᑦᑐᓂᒃ (ᐊᑑᑎᒃᓴᖏᓐᓂᒃ) ᑮᓇᐅᔭᖅᑖᕈᓯᕆᕙᒃᑕᖏᓐᓂᒃ ᐅᑭᐅᖅᑕᖅᑐᒥ ᒐᕙᒪᐅᔪᑦ, ᒪᓕᒃᑕᐅᕙᒃᓱᑎᒃ ᑮᓇᐅᔭᖅᑖᕈᓯᕆᕋᔭᒃᑕᖏᑦ, ᐱᔪᓐᓇᕈᑕᐅᓱᖑᓪᓗᑎᒃ ᐅᑭᐅᖅᑕᖅᑐᒥ ᒐᕙᒪᐅᔪᓄᑦ ᑮᓇᐅᔭᖃᖅᑎᑦᑎᔪᓐᓇᕐᓂᖅ ᐊᑐᒐᒃᓴᓕᐊᖑᓯᒪᔪᓄᑦ ᐊᒻᒪᓗ ᐱᔨᑦᕋᖅᑕᐅᔾᔪᑎᓄᑦ, ᓲᕐᓗ ᐋᓐᓂᐊᕐᕕᖕᓄᑦ, ᐃᓕᓐᓂᐊᕐᕕᖕᓄᑦ, ᓄᓇᓕᓕᐅᑦᑎᐊᕈᑎᒃᓴᓄᑦ, ᐊᒻᒪᓗ ᐃᓄᓕᕆᔾᔪᑎᓄᑦ. ᐊᕐᕋᒍᒥ 2011-12−ᒥ, ᐱᖓᓱᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᑦ ᑮᓇᐅᔭᖅᑖᕐᓂᐊᖅᑐᑦ $2.9 ᐱᓕᔭᓐᓂᒃ.

ᑕᐃᒪᓕ ᒪᑐᐃᖅᑕᐅᔪᓐᓇᖁᓪᓗᒋᑦ ᓄᓇᒥᐅᑕᐃᑦ ᐊᔪᖏᓐᓂᖅᑖᕈᑕᐅᔪᓐᓇᕐᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ, ᐅᓗᕆᐊᓇᖅᑐᒦᓕᖅᑎᑦᑕᐃᓕᒪᓯᓐᓈᕐᓗᒋᑦ ᐊᕙᑎᖓᑦᑕ ᓴᐳᓐᓂᐊᖅᑕᐅᓯᒪᑦᑎᐊᕆᐊᖃᕐᓂᖓ, 2010−ᒥ ᒐᕙᒪᒃᑯᑦ ᓴᕿᑎᑦᑎᓚᐅᖅᑐᑦ ᐱᓕᕆᐊᒃᓴᓄᑦ ᐸᕐᓇᐅᑎᓂᒃ ᐱᐅᓯᒋᐊᖅᑕᐅᔾᔪᑎᔅᓴᓐᓄᑦ ᐅᑭᐅᖅᑕᖅᑐᒥ ᒪᓕᒐᓪᓗᑐᐃᑦ ᐋᕿᐅᒪᔭᐅᓯᒪᓂᖏᑦ. ᑖᒃᑯᐊ ᐸᕐᓇᐅᑎᑦ ᐊᑕᐅᓯᐅᓂᖅᓴᕈᖅᑎᑦᑎᓚᖓᔪᑦ ᒪᓕᒐᓕᕆᓂᐅᔭᕆᐊᖅᐸᒃᑐᓂᒃ ᐊᒡᕕᐊᖁᑕᐅᕙᑦᑐᑦ ᐱᑕᖃᖏᓐᓂᖅᓴᐅᓕᕐᓗᑎᒃ ᓇᖕᒥᓂᖃᖅᑐᑦ ᐊᑭᓕᖅᑐᐃᖃᑕᐅᔪᓐᓇᕐᓂᖏᓐᓄᑦ, ᐱᐅᓯᒋᐊᖅᑕᐅᓂᖏᓐᓄᑦ ᐊᕙᑎᒥᒃ ᖃᐅᔨᓴᑦᑎᐊᖃᑦᑕᕆᐊᖃᕐᓂᖅ, ᐊᒻᒪᓗ ᐊᑭᓕᖅᑐᐃᓂᕐᒧᑦ ᐊᑐᒐᒃᓴᓄᑦ ᐃᑲᔫᑕᐅᓂᐊᖅᑐᓂᒃ ᑮᓇᐅᔭᓕᐅᖃᑕᐅᕝᕕᒃᓴᓂᒃ ᐊᒻᒪᓗ ᐱᖃᑕᐅᔾᔪᑎᒃᓴᖏᓐᓂᒃ ᐅᑭᐅᖅᑕᖅᑐᒥᐅᑦ. ᑮᓇᐅᔭᓕᐅᕈᑎᒃᓴᐃᑦ ᓴᕿᑎᑕᐅᓯᒪᓂᖏᑦ ᐊᑕᒻᒪᕆᖕᒪᑕ ᓴᐳᓐᓂᐊᖅᑕᐅᓂᖏᓐᓄᑦ ᐃᓕᖅᑯᓯᑐᖃᐃᑦ ᐊᒻᒪᓗ ᐊᕙᑎᒥᐅᑕᐃᑦ ᐊᔪᖅᓴᕈᓐᓃᕈᑕᐅᓯᒪᕙᒃᑐᑦ ᐅᑭᐅᖅᑕᖅᑐᒥᐅᓂᑕᓂ.

ᑲᓇᑕᐅᑉ ᐅᑭᐅᖅᑕᖅᑐᖓᓂ ᑮᓇᐅᔭᓕᐅᕈᑎᔅᓴᓄᑦ ᐃᖃᓇᐃᔭᕐᕕᐅᔪᖅ (ᑳᓐᓂᐊᒃᑯᑦ/CanNor-ᑯᑦ) ᐅᑭᐅᖅᑕᖅᑐᒥᐅᓄᑦ ᓴᕿᑎᑕᐅᓚᐅᖅᓯᒪᔪᑦ ᐊᒐᓯ 2009-ᖑᑎᓪᓗᒋ, ᓴᕿᐅᒪᑎᑦᑎᒋᐊᕈᑕᐅᓂᕐᒧᑦ ᓴᖏᔫᔪᒥᒃ, ᐊᒥᓱᓂᒃ ᑮᓇᐅᔭᓕᐅᕐᕕᒃᓴᖃᖅᑐᓂᒡᓗ ᓄᓇᖃᕐᓂᖅ ᐅᑭᐅᖅᑕᖅᑐᒥᐅᑕᓄᑦ ᐱᓕᕆᔪᒪᔪᓄᑦ ᐊᒻᒪᓗ ᓇᖕᒥᓂᖃᖅᕈᓐᓇᖅᑐᓄᑦ, ᐊᒥᓲᓂᖏᓐᓂᒃ ᐊᑐᒐᒃᓴᐃᑦ ᓄᓇᒥᐅᑕᓂᒃ ᐊᒻᒪᓗ ᑮᓇᔭᐅᓕᐅᕕᐅᓕᕈᓐᓇᖅᑐᓂᒃ ᐅᑭᐅᖅᑕᖅᑐᒦᑦᑐᓂᒃ. ᑕᐃᒪᖓᑦ 2009−ᒥᒃ, ᑳᓐᓄᐊᒃᑯᑦ ᐊᑭᓖᓯᒪᓕᖅᐳᑦ $80.4 ᒥᓕᔭᓐᓂᒃ ᐊᒥᓱᒐᓴᖕᓄᑦ ᑐᕌᖓᔪᑦ, ᑮᓇᐅᔭᓕᐅᕈᑎᒃᓴᓄᑦ ᐱᒋᐊᖅᑎᑦᑎᓂᖅ, ᐃᑲᔪᖅᑕᐅᓗᑎᒃ, ᓴᖏᓂᖅᓴᐅᓕᕐᓗᑎᒃ, ᐊᔾᔨᒌᖏᑦᑑᑎᐅᓂᖅᓴᐅᓗᑎᒡᓗ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᒃᓴᐃᑦ ᐊᒻᒪᓗ ᓇᖕᒥᓂᕆᔭᐅᔪᓂᒃ ᓴᓇᕝᕕᒃᓴᓂᒃ ᓴᕿᑎᑦᑎᓂᕐᒧᑦ, ᐃᖃᓇᐃᔮᒃᓴᓂᒡᓗ ᐃᓄᖕᓄᑦ ᐅᑭᐅᖅᑕᖅᑐᒥ ᓄᓇᓕᖕᓂ. ᑳᓐᓄᐊᒃᑯᑦ ᑮᓇᐅᔭᓂᒃ ᐊᑭᓖᓯᒪᒋᕗᑦ ᐅᖓᑖᓂᒃ $23 ᒥᓕᔭᓐᓂᒃ ᐊᑯᓐᓂᖏᓐᓂᒃ ᐊᕐᕋᒍᓂᒃ 2009-2011-ᒥ ᐃᑲᔫᑕᐅᓂᕐᒧᑦ ᑮᓇᐅᔭᓕᐅᕐᕕᒃᓴᓂᒃ ᒪᑐᐃᖅᑎᑦᑎᕙᓪᓕᐊᓂᕐᒧᑦ ᓄᓇᖃᖄᖅᑐᓄᑦ ᐊᒻᒪᓗ ᓇᖕᒥᓂᖅᑲᖅᑎᑕᐅᔪᓄᑦ, ᐃᖕᒥᓂᒃ ᓴᓇᒋᐊᕈᒪᔭᖅᐸᒃᑐᓄᑦ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ.

ᑲᓇᑕᐅᑉ ᒐᕙᒪᒃᑯᑦᑕᐅᖅ ᐱᐅᓯᒋᐊᕆᓕᖅᐳᑦ ᐊᒻᒪᓗ ᐱᕈᖅᑎᑦᑎᕙᓪᓕᐊᓪᓗᑎᒃ ᖃᐅᔨᒪᓂᕆᔭᐅᔪᓂᒃ ᓄᓇᓂᒃ ᓄᓇᒥᐅᑕᖏᓐᓂᒡᓗ ᖃᐅᔨᓴᖅᑕᐅᕙᑦᑐᓂᒃ, ᐃᑲᔪᕐᓂᖃᓚᖓᒻᒪᑦ ᐊᔾᔨᒋᖏᑦᑑᑎᐅᔪᓐᓇᖅᑐᓄᑦ ᑮᓇᐅᔭᓕᐅᕐᕕᔅᓴᓐᓄᑦ ᑕᒪᐃᓐᓂ ᐅᑭᐅᖅᑕᖅᑐᒥᐅᑕᐅᔪᓂ ᐊᕕᒃᑐᖅᓯᒪᔪᓂ. ᑕᒪᓐᓇ ᖃᐅᔨᓴᕐᓂᖅ ᐱᒻᒪᕆᐅᔪᓂᒃ ᖃᐅᔨᒪᑎᑦᑎᔾᔪᑎᒃᓴᖃᖅᐳᖅ ᐃᑲᔫᑕᐅᓂᐊᖅᑐᓂᒃ ᐱᕈᖅᑎᑦᑎᓂᕐᒧᑦ ᐅᔭᕋᓐᓂᐊᒐᔅᓴᖅᓯᐅᓂᕐᒧᑦ ᐊᒻᒪᓗ ᐅᔭᕋᕐᓂᐊᕐᓂᕐᒧᑦ ᓴᓈᖃᖅᑐᓄᑦ, ᐱᓕᕆᕕᐅᖃᑕᐅᔪᓐᓇᖅᓱᑎᒃ ᐊᒻᒪᓗ ᓇᖕᒥᓂᖃᖅᑐᓄᑦ ᐃᓚᐅᔪᓐᓇᕐᓂᖅ ᐅᑭᐅᖅᑕᖅᑐᒥᐅᑕᐅᔪᓂ. 2010−ᖑᑎᓪᓗᒍ, ᐅᖓᑖᓃᓐᓂᐊᖅᑐᓂᒃ $10.7 ᒥᓕᔭᓐ ᐊᒥᓱᓄᑦ ᐊᔾᔨᒌᖏᑦᑑᑎᐅᔪᓄᑦ ᓄᓇᒥᒃ ᖃᐅᔨᓴᕈᑎᒃᓴᓂᒃ ᑐᓂᔭᐅᓚᐅᖅᑐᑦ ᐊᖅᑯᑎᒋᔭᐅᓪᓗᑎᒃ ᑮᓇᐅᔭᓕᐅᕐᕕᒃᓴᓄᑦ ᐅᑭᐅᖅᑕᖅᑐᒥ ᐱᔭᓪᓕᐊᑎᑦᑎᓂᕐᒧᑦ (ᓴᐃᓂᐊᑦᑯᑎᒍᑦ−SINED-ᑯᑦ) ᐱᖓᓱᓂᒃ ᐅᑭᐅᖅᑕᖅᑐᒥᐅᓂ, ᔫᑳᓐᒥ, ᓄᓇᑦᓯᐊᕐᒥᓗ, ᓄᓇᕗᒻᒥᓗ  (2008-2013) ᓄᓇᖑᐊᓕᐊᖑᕙᓪᓕᐊᔪᒪᓂᖏᓐᓂ ᓄᓇᐃᑦ ᐅᒻᒪᖁᑎᒃᓴᓕᐅᕐᓂᕐᒧᑦ ᐊᑐᒐᒃᓴᓄᑦ ᐊᒻᒪᓗ ᐅᔭᕋᓐᓂᐊᕐᕕᓕᕆᓂᕐᒧᑦ ᐊᑐᒐᒃᓴᓄᑦ, ᑕᒪᒃᑯᐊ ᐃᑲᔪᕐᓂᖃᕐᓂᐊᕐᒪᑕ ᖃᐅᔨᒪᔭᐅᓂᖏᓐᓄᑦ ᓇᖕᒥᓂᖃᖅᑎᐅᔪᓄᑦ ᓴᓈᖃᖅᑐᓄᑦ ᐅᔭᕋᓐᓂᐊᒐᔅᓴᖅᓯᐅᖅᑎᓄᑦ ᑲᒻᐸᓂᐅᔪᓄᑦ ᐊᖅᑯᑎᒋᓪᓗᒋᑦ ᓴᐃᓂᐊᑦᑯᑦ/SINED−ᑯᑦ ᑮᓇᔭᐅᓕᕐᕕᒃᓴᖅᓯᐅᑏᑦ. ᑲᓇᑕᒥ ᐊᑭᓖᓚᐅᖅᑐᖅ ᐅᖓᑖᓂ $100 ᒥᓕᔭᓐᓂᒃ (2008-2013) ᓄᓇᓂᒃ ᓄᓇᖑᐊᓕᐊᖑᕙᓪᓕᐊᓂᖏᓐᓄᑦᑦ ᓄᓇᒥᐅᑕᖃᕐᓂᖏᑦ ᐆᒻᒪᖁᑎᒃᓴᓕᕆᓂᕐᒧᑦ ᐊᒻᒪᓗ ᐅᔭᕋᖕᓂᐊᕐᕕᓕᕆᓂᕐᒧᑦ ᐊᑐᒐᒃᓴᓄᑦ, ᖃᐅᔨᒪᔾᔪᑕᐅᓗᑎᒃ ᐱᑕᖃᕆᐊᖃᓲᖑᔪᓂᒃ ᓇᖕᒥᓂᖃᖅᑎᐅᔪᓄᑦ ᐅᔭᕋᓐᓂᐊᒐᒃᓴᖅᓯᐅᖅᑎᐅᕙᑦᑐᓄᑦ ᑲᒻᐸᓂᐅᔪᓄᑦ, ᐃᓱᒪᓕᐅᕈᑕᐅᔪᓐᓇᕐᓂᕐᒧᑦ ᑮᓇᐅᔭᐃᕈᑎᒋᓂᐊᕐᒪᖔᒋᑦ , ᐊᒻᒪᓗ ᖃᐅᔨᒪᔾᔪᑕᐅᓂᕐᒧᑦ ᓄᓇᐃᑦ ᐊᑑᑎᔅᖏᓐᓄᒃ ᐃᓱᒪᓕᐅᕈᑎᔅᓴᓄᑦ, ᓲᕐᓗ ᓴᓇᔭᐅᓂᖏᓐᓄᑦ ᒥᖑᐃᖅᓯᕐᕕᔅᓴᐃᑦ ᐅᕝᕙᓗᓐᓃᑦ ᐊᓯᖏᑦ ᓴᐳᓐᓂᐊᖅᑕᐅᓯᒪᕝᕕᔅᓴᐃᑦ.

ᑕᐃᒪ ᓄᑖᓂᒃ ᖃᐅᔨᒪᔭᐅᔭᕆᐊᖃᖅᑐᓂᒃ ᑲᑎᖅᓱᐃᔪᒪᓂᖅ ᐱᑕᖃᕆᐊᒻᒪᕆᒃᑐᓂᒃ ᓯᕗᓂᒃᓴᒥ ᐊᐅᓚᑕᐅᓂᖏᓐᓄᑦ ᐅᖅᓱᐊᓗᓕᕆᓂᕐᒧᑦ ᒑᓯᓕᕆᓂᕐᒧᓪᓗ ᐱᓕᕆᐊᓂᒃ ᑐᒃᑑᔭᖅᑑᑉ ᑕᕆᐅᕋᓗᖓᓂ, ᑲᓇᑕᐅᑉ ᒐᕙᒪᒃᑯᑦ ᐱᓕᕆᕙᓪᓕᐊᓕᖅᑐᑦ ᐊᒥᓱᓂᒃ−ᐃᓚᒌᒎᑕᐅᓂᐊᖅᑐᓂᒃ ᐱᓕᕆᐊᔅᓴᓐᓂᒃ. ᑐᒃᑐᖅᔭᖅᑑᑉ ᐊᕕᒃᑐᖅᓯᒪᓂᖓᓂ ᐊᕙᑎᑦ ᖃᐅᔨᓴᖅᑕᐅᓂᖏᑦ,  ᑐᓴᒐᒃᓴᓕᐊᖑᓚᐅᖅᑐᓂᒃ ᐊᒐᓯ 2010−ᖑᑎᓪᓗᒍ, ᑲᔪᓯᑎᑕᐅᕙᑦ ᐊᕕᒃᑐᖅᓯᒪᓂᖏᓐᓂ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓅᓯᓕᐅᕈᑎᔅᓴᓐᓂᒃ−ᑮᓇᐅᔭᓕᐅᕈᑎᔅᓴᓂᒡᓗ ᖃᐅᔨᓴᕐᓂᕐᒥᒃ ᐃᑲᔪᖅᓱᖅᑕᐅᓂᖏᓐᓄᑦ ᐊᑑᑎᖃᑦᑎᐊᕐᓂᐊᖅᑐᓂᒃ ᐊᒻᒪᓗ ᐋᕿᐅᒪᑦᑎᐊᕐᓂᐊᖅᑐᓂᒃ ᒪᓕᒐᒃᓴᓕᐅᕆᐊᖃᕐᓂᕐᒧᑦ ᐃᓱᒪᓕᐅᕐᕈᑎᖃᕐᓂᕐᒧᑦ, ᐊᒻᒪᓗ ᐊᕙᑎᒥᒃ ᖃᐅᔨᓴᑦᑎᐊᕐᓂᕐᒧᑦ ᐅᖅᓱᐊᓗᓕᕆᓂᕐᒥᒃ ᒑᓯᒃᓴᓕᐅᕐᓂᕐᒥᒡᓗ ᐱᓕᕆᐊᒃᓴᓂᒃ ᑐᒃᑐᔭᖅᑑᑉ ᑕᕆᐅᕌᓗᐊᓂ. ᐅᑭᐅᖅᑕᖅᑐᒥ ᓄᓇᓕᓕᐅᕈᑎᓄᑦ ᐊᑭᓕᖅᑐᐃᔾᔪᑏᑦ ᐃᓚᖃᖅᐳᑦ $200 ᒥᓕᔭᓐᓂᒃ ᓴᓇᒋᐊᖅᑕᐅᑦᑎᐊᒃᑲᓐᓂᕐᓂᖏᓐᓄᑦ ᓴᓇᔭᐅᓂᖏᓄᓪᓗ ᓄᑖᑦ ᐃᒡᓗᒃᓴᐃᑦ, $40 ᒥᓕᔭᓐᓂᒃ ᓴᓇᔭᐅᓂᖏᓐᓄᑦ ᑮᓇᐅᔭᓕᐅᕈᑎᔅᓴᐃᑦ ᐃᖃᓪᓕᐊᖅᑏᑦ ᑐᓚᒃᑕᕐᕕᔅᖓᑦ ᐸᓐᓂᖅᑑᖅᒥ, ᓄᓇᕗᑦ, ᐊᒻᒪᓗ ᑎᑭᐅᒪᓂᐊᖅᑐᓂᒃ $71 ᒥᓕᔭᓐᓂᒃ ᐱᐅᓯᒋᐊᕈᑎᔅᓴᓄᑦ ᒪᐃᔫ B−ᒥ ᐃᒪᖅᑐᖅᑐᒥᒃ ᐅᒻᒪᖁᓯᐅᕐᕕᔅᓴᒥᒃ ᔪᑳᓐᒥ. ᐊᑭᓖᓚᐅᖅᑐᑦ ᐅᖓᑖᓂᒃ $1.6 ᒥᓕᔭᓐᓂᒃ ᐱᔪᓐᓇᐅᑕᐅᓚᐅᖅᐳᑦ 19−ᓂᒃ ᐃᕿᐊᖑᐃᔭᕐᕕᖕᓂᒃ ᐱᖁᑎᓂᒃ ᓄᓇᓕᖃᕐᕕᐅᔪᓄᑦ, ᐱᖓᓱᓂᒃ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ, ᐱᐅᓯᒋᐊᕈᑎᔅᓴᐅᓪᓗᑎᒃ ᓄᓇᓕᖃᕈᑎᓄᑦ ᐊᑐᒐᒃᓴᓂᒃ ᐱᖁᑎᓂᒃ, ᕿᓚᒻᒥᐅᔪᒧᑦ ᓴᓈᒃᓴᖃᖅᑎᑦᑎᓂᕐᒧᑦ ᐊᒻᒪᓗ ᐃᑲᔪᖅᓱᐃᓂᕐᒧᑦ ᖃᓄᐃᖏᓐᓂᖏᓐᓄᑦ ᓄᓇᓕᑦ. ᑮᓇᐅᔭᐃᑦ ᐊᑐᖅᑐᔅᓴᐃᑦ 2011−ᒥ ᐃᓚᖃᕆᕗᑦ ᑲᓇᑕᒥᖓᕐᓂᐊᖅᑐᓂᒃ ᐃᑲᔫᓯᐊᔅᓴᓐᓂᒃ $150 ᒥᓕᔭᓐᓂᒃ ᐊᕐᕋᒍᓕᒫᖅ ᐊᑐᕐᓂᐊᖅᑐᒥᒃ ᐊᖅᑯᓯᐅᕈᑎᔅᓴᓂᒃ ᐃᓅᕕᒻᒥᒃ ᑐᒃᑐᔮᖅᑐᕐᒧᑦ, ᐃᓂᖅᑕᐅᓯᒪᓂᐊᕐᒪᑦ ᑎᐊᒻᔅᑕᒥ Dempster−ᒥ ᐊᖅᑯᑎᑯᑖᖕᒥᒃ, ᐊᑦᑕᑕᕈᑕᐅᓗᓂ ᑲᓇᑕᒥᐅᓂᒃ ᓯᒡᔭᒥᒃ ᓯᒡᔭᒧᑦ ᓯᒡᔭᒥᒃ.

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᑎᖃᖅᐳᑦ ᐃᓚᒥᓂᒃ ᐅᑭᐅᖅᑕᖅᑐᒥᐅᑕᓂ ᐊᕕᒃᑐᖅᓯᒪᔪᓂ ᐊᒻᒪᓗ ᐅᑭᐅᖅᑕᖅᑐᒥᐅᑕᓂᒃ ᓄᓇᖃᖃᖅᑐᓂᒃ, ᐊᔪᕈᓐᓃᖅᓴᔭᐅᓂᖏᓐᓂᒃ ᐃᖃᓇᐃᔭᕈᑎᒋᓕᕈᓐᓇᖅᑕᖏᑦ ᐊᒻᒪᓗ ᐃᖃᓇᐃᔭᖃᑕᐅᕙᓪᓕᐊᓂᖏᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐊᖅᑯᑕᐅᓪᓗᑎᒃ ᓴᓈᖃᖃᑕᐅᔪᓐᓇᖅᑐᑦ ᐱᓕᕆᑎᑕᐅᔪᓐᓇᕐᓂᖏᓐᓄᑦ ᐊᖏᖃᑎᒌᒍᑏᑦ (Labour Market Agreement−ᖑᓂᕋᖅᑕᐅᔪᑦ) ᐊᒻᒪᓗ ᓴᓈᖃᖃᑕᐅᔪᓐᓇᖅᑐᑦ ᐱᓕᕆᑎᑕᐅᔪᓐᓇᕐᓂᖏᓐᓄᑦ ᐱᕙᓪᓕᐊᔾᔪᑎᒃᓴᓄᑦ ᐊᖏᕈᑎᑎᒍᑦ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᕐᔪᐊᑦ ᑐᓂᔭᐅᓚᐅᖅᑐᑦ ᐅᖓᑖᓂ $11 ᒥᓕᔭᓐᓂᒃ ᐊᔪᕈᓐᓂᖅᓴᐃᔾᔪᑎᓄᑦ ᐱᓕᕆᔪᓐᓇᕐᒃᓂᕐᒧᑦ, ᐃᖃᓇᐃᔭᖃᑕᐅᔪᓐᓇᖅᓯᓂᕐᒧᓪᓗ ᐊᑐᕐᓂᐊᖅᑐᓄᑦ.  2010-2015−ᒥ, ᐅᖓᑖᓂ $125 ᒥᓕᔭᓐ ᐊᑭᓕᖅᑐᖅᑕᐅᓂᐊᖅᑐᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ, ᐊᖅᑯᑎᒋᓗᒋᑦ ᓄᓇᖃᖄᖅᑐᓄᑦ ᐊᔪᕈᓐᓃᖅᓴᖅᑎᑦᑎᔾᔪᑏᑦ ᐊᒻᒪᓗ ᐃᖃᓇᐃᔭᖃᑕᐅᔪᓐᓇᕐᓂᕐᒧᑦ ᐃᓕᓐᓂᐊᖅᑎᑦᑎᔾᔪᑎᓄᑦ ᖃᓄᐃᓕᐅᕈᑎᔅᓴᐃᑦ.  ᑖᒃᑯᐊ ᑮᓇᐅᔭᐃᑦ ᐊᑑᑕᐅᕗᑦ ᐃᑲᔪᕐᓂᕐᒧᑦ ᐊᑐᒐᔅᓴᓕᐊᖑᓯᒪᔪᓂᒃ ᐊᑕᔪᓂᒃ ᐊᔪᕈᓐᓃᕈᓐᓇᕐᓂᖅ ᓴᓇᔨᐅᖃᑕᐅᔪᓂᒃ ᐱᔪᒪᔭᐅᕙᑦᑐᓂᒃ, ᐊᒻᒪᓗ ᐅᑭᐅᖅᑕᖅᑐᒥᐅᑕᐃᑦ ᓄᓇᖃᖃᑐᑦ ᐃᓚᐅᔪᓐᓇᕐᓂᖏᓐᓄᑦ ᐱᕈᖅᐸᓪᓕᐊᑐᐃᓐᓇᖅᑐᓂᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕐᕕᐅᓕᖅᐸᓪᓕᐊᔪᓂ . ᑮᓇᐅᔭᐃᑦ ᐊᑐᖅᑐᔅᓴᐃᑦ 2011 ᐊᑭᓖᓚᐅᖅᑐᑦ $9-ᒥᓕᔭᓐᑲᓐᓂᐅᔪᓂᒃ ᒪᕐᕉᓐᓂᒃ ᐊᕐᕌᒎᖕᓂᒃ, ᐊᖏᒡᓕᒋᐊᕈᑎᔅᓴᓄᑦ ᐃᓐᓇᐃᑦ ᐃᓕᓐᓂᐊᕈᑎᖏᑦ, ᐃᖃᓇᐃᔭᖃᖃᑕᐅᔪᓐᓇᕐᓂᐊᕐᒪᑕ ᐊᒥᓲᓂᖅᓴᐃᑦ ᐅᑭᐅᖅᑕᖅᑐᒥᐅᑦ ᐃᓚᐅᓗᑎᒃ.

ᒐᕙᒪᒃᑯᑦᑕᐅᖅ ᐱᓕᕆᕙᓪᓕᐊᒋᕗᑦ ᐃᑲᔪᖅᓱᐃᓂᕐᒥᒃ ᖃᓄᐃᖏᓐᓂᖃᖅᑐᓂᒃ ᐊᒻᒪᓗ ᓴᖏᔫᔪᓂᒃ ᐅᑭᐅᖅᑕᖅᑐᒥ ᓄᓇᓕᖕᓂᒃ. ᑮᓇᐅᔭᐃᑦ ᐊᑐᖅᑐᒃᓴᐃᑦ 2010−ᒥ ᑐᓂᓯᓚᐅᖅᑐᑦ $60 ᒥᓕᔭᓐᓂᒃ ᐅᖓᕙᕆᐊᖅᑕᐅᓂᖏᓐᓄᑦ ᐅᑭᐅᖅᑕᖅᑐᒥ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᑲᔪᓰᓐᓇᕈᑎᔅᓴᖏᓐᓄᑦ, ᐊᓯᔾᔨᖅᑕᐅᕙᓪᓕᐊᓂᖏᓐᓂ ᐋᓐᓂᐊᖅᑐᓕᕆᔾᑕᐅᔪᑦ ᐊᒻᒪᓗ ᐊᑭᑭᒡᓕᒋᐊᕈᑎᔅᓴᓄᑦ ᐊᓐᓂᐊᕐᕕᓕᐊᕆᐊᖃᕐᓂᕐᒧᑦ ᐊᐅᓪᓛᕉᑎᔅᓴᐃᑦ. ᒪᐃ 21, 2010−ᖑᑎᓪᓗᒍ, ᒐᕙᒪᒃᑯᑦ ᑲᓇᑕᒥ ᑐᓴᖅᑎᑦᑎᓚᐅᖅᑐᑦ ᐊᑐᒐᒃᓴᓕᐊᕆᔭᐅᓯᒪᔪᒥᒃ, ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ, ᐃᓇᖏᖅᓯᓂᐊᖅᓱᓂ/ᑭᖑᕝᕕᓂᐊᖅᑐᒥᒃ ᓂᕿᓂᒃ ᑎᑎᖃᕐᓂᐊᕐᕕᒃᑯᑦ ᓂᕿᓂᒃ ᑎᑭᓴᐃᔾᔪᑎᐅᓚᐅᖅᑐᓂᒃ, ᐊᑐᓕᕐᓗᑎᒃ ᐄᐳ 1, 2011.   ᑐᕌᒐᖃᖅᐳᑦ ᑖᒃᑯᐊ ᓄᑖᓂᒃ ᓂᐅᕕᐊᒃᓴᕆᔭᐅᕙᒃᑐᓂᒃ ᒪᓕᖕᓂᖅᓴᐅᓪᓗᑎᒃ ᐊᑐᒐᒃᓴᐃᑦ ᒪᓕᒐᖃᖅᑎᑕᐅᓂᖅᓴᐅᔪᒪᓪᓗᑎᒃ ᓄᑖᓂᒃ ᓂᕿᑖᕐᕕᐅᕙᑦᑐᑦ ᓂᕿᑦᑎᐊᕙᖕᓐᓂᒃ, ᓱᕈᖅᓴᕋᐃᑦᑐᓂᒃ ᓂᕿᓂᒃ ᐊᑐᐃᓐᓇᐅᑎᑦᑎᓂᖅ ᑲᓇᑕᒥᐅᓄᑦ ᑎᑭᑕᐅᓴᕋᐃᖏᑦᑐᓃᑦᑐᓐᓂ ᓄᓇᓕᖕᓂ ᐅᑭᐅᖅᑕᖅᑐᒥ. ᑲᓇᑕᐅᑉ ᒐᕙᒪᒃᑯᖏᑦ ᑮᓇᐅᔭᖃᖅᑎᑦᑎᓂᐊᖅᑐᑦ $60 ᒥᓕᔭᓐᓂᒃ ᐊᕐᕋᒍᑕᒫᖅ ᓂᕿᑦᑎᐊᕙᓕᕆᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ. ᑕᒪᓐᓇ  ᐃᓚᖃᖅᓱᑎᒡᓗ $1.53 ᒥᓕᔭᓐᓂᒃ 2010-2011-ᒥ) ᐊᒻᒪᓗ $2.9 ᒥᓕᔭᓐᓂᒃ (2010-2011-ᒥ) ᐊᑐᐃᓐᓇᐅᑎᑦᑎᓂᕐᒧᑦ ᓂᕿᑦᑎᐊᕙᖏᓂᒃ ᑐᓴᐅᒪᔭᐅᑎᑦᑎᕙᓪᓕᐊᓂᕐᒥᒃ ᐊᒻᒪᓗ ᐃᓕᓐᓂᐊᖅᑎᑦᑎᕙᓪᓕᐊᓂᕐᒧᑦ ᑎᑭᑕᐅᓴᕋᐃᖏᑦᑐᓃᑦᑐᓂ ᓄᓇᓕᖕᓂ ᐅᑭᐅᖅᑕᖅᑐᒥ, ᐃᓚᐅᖃᑕᐅᔪᓂ ᐊᑐᒐᒃᓴᓂᒃ. ᐊᓯᖏᑦ ᐊᑐᒐᒃᓴᐃᑦ ᐱᐅᓯᒋᐊᖅᑕᐅᓂᖏᑦ ᐃᓚᖃᕐᒥᔪᑦ ᐱᑕᖃᓕᕐᓂᖏᓂᑦ  ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᖅᑐᖓᑕ ᑲᓇᑕᐅᑉ ᐅᖃᐅᔾᔨᒋᐊᖅᑎᖏᑦ ᑲᑎᒻᒪᔨᓂᒃ, ᑲᑎᒪᔨᖏᑦ ᐊᑭᓕᖅᑐᖅᑕᐅᓇᑎᒃ ᐊᒃᑐᖅᑕᐅᓯᒪᔪᓂᒃ ᓄᓇᓕᖕᒥᐅᑕᐅᓪᓗᑎᒃ, ᑕᐃᒃᑯᐊᓗ ᓯᕗᓪᓕᖅᐹᒥᒃ ᐃᓕᑕᕆᔭᐅᓯᒪᔪᒥᒃ ᑲᑎᒪᓚᐅᖅᑐᑦ ᐃᖃᓗᖕᓂ ᒪᐃ 2011−ᖑᑎᓪᓗᒍ. ᑲᑎᒪᔨᑦ ᑲᑎᒪᖃᑎᖃᓚᐅᖅᑐᑦ  ᐅᑭᐅᖅᑕᖅᑐᒥᐅᑕᓂᒃ ᑐᓴᕐᕕᒋᔪᒪᓪᓗᒋᑦ ᐃᓱᒪᒋᔭᖏᑦ ᐊᒻᒪᓗ  ᐅᔾᔨᖅᑐᑦᑎᐊᕆᐊᖃᕐᓂᕐᒧᑦ ᐊᑐᒐᔅᓴᐃᑦ ᐋᕿᐅᒪᑦᑎᐊᕈᓐᓇᕐᓂᖏᓐᓂᒃ ᐅᑭᐅᖅᑕᖅᑐᒥᐅᑕᐃᑦ ᐱᔭᕆᐊᖃᕐᓂᖏᓐᓄᑦ.

ᓴᐳᓐᓂᐊᖅᑕᐅᓂᖓ ᐊᕙᑎᑦᑎᓐᓂ ᓄᓇᖁᑎᕗᑦ

ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᓪᓚᑖᓕᖅᐳᑦ ᓴᐳᓐᓂᐊᖅᑎᐅᒋᐊᓂᖅ ᐊᔾᔨᐅᖏᑦᑐᒥᒃ ᐊᕙᑎᒋᔭᐅᔪᖅ ᐊᒻᒪᓗ ᐆᒪᔪᖃᕐᕕᐅᓂᖏᑦ ᐅᑭᐅᖅᑕᖅᑑᑉ. ᓇᕼᐋᓂᒥ ᑲᓇᑕᒥᐅᑕᓕᒫᓄᑦ ᒥᖑᐃᖅᓯᕐᕕᒃ ᐊᖏᒡᓕᒋᐊᖅᑕᐅᓚᐅᖅᑐᖅ ᐅᖓᑖᓄᑦ 30,000 ᑭᑉᐹᕆᒃᑐᑦ ᑭᓛᒥᑕᐃᑦ, ᓴᐳᓐᓂᐊᖅᑕᐅᓯᒪᑦᑎᐊᕐᓂᐊᕐᒪᑕ ᐱᑕᖃᕆᐊᓕᒻᒪᕇᑦ ᐊᔾᔨᐅᖏᓂᖏᓪᓗ ᐆᒪᔪᖃᕐᕖᑦ ᐱᕈᖅᑐᐃᓪᓗ ᑖᒃᑯᓇᓂ, ᒐᕙᒪᒃᑯᓪᓗ ᐱᓂᐊᕐᓂᖃᖅᓱᑎᒃ ᓴᕿᑦᑎᒃᑲᓐᓂᓚᖓᓂᖅ ᐱᖓᓱᓂᒃ ᓄᑖᓂᒃ ᑲᓇᑕᒥᐅᓕᒫᓄᑦ ᒥᖑᐃᖅᓯᕐᕕᔅᓴᓂᒃ. $5 ᒥᓕᔭᓐᖑᔪᑦ ᐊᑐᖅᑕᐅᓕᖅᑐᑦ ᐊᔪᕐᓇᕋᔭᖏᒻᒪᖔᑦ ᖃᐅᔨᓴᖅᑕᐅᕙᓪᓕᐊᓕᓂᖏᓐᓄᑦ ᓴᕿᑕᐅᔪᓐᓇᕐᓂᐊᕐᒪᖔᑦ ᓄᑖᑦ ᑕᕆᐅᕐᒥ ᐆᒪᔪᖃᕐᕕᔅᓴᖅ ᖃᓂᒋᔮᓃ ᑕᓪᓗᕈᑎᐅᑉ ᐃᒪᖓᓂ. 2010−ᖑᑎᓪᓗᒍ ᑕᕆᐅᕐ ᓂᕐᔪᑎᖏᑦ ᐆᒪᔪᖃᕐᕕᑦ ᓴᕿᑕᐅᓕᓚᐅᖅᑐᖅ ᓴᐳᓐᓂᐊᖅᑕᐅᓯᒪᓂᖏᓐᓄᑦ 1,800−ᑲᓴᐃᑦ ᑭᑉᐹᕆᒃᑐᑦ ᑭᓛᒥᑕᐃᑦ ᒪᑭᓐᓯᑉ ᑰᕋᓗᐊᓂ ᐃᓗᑐᓂᕐᒥ ᐊᒻᒪᓗ ᐃᒪᕐᓂ ᑕᕆᐅᒐᕐᒥ ᑐᒃᑐᔭᖅᑑᑉ ᑕᕆᐅᖓᓂ. 6−ᖑᔪᓄᑦ ᓄᑖᑦ ᑲᓇᑕᒥ ᐆᒪᔪᖃᕐᕕᖑᖅᑎᑕᐅᔪᖃᕐᓂᐊᖅᑐᖅ ᐃᓚᒋᔭᐅᓪᓗᑎᒃ ᓄᓇᑦᓯᐊᕐᒥ  ᓴᐳᓐᓂᐊᖅᑕᐅᕝᕕᖕᓄᑦ ᐆᒪᔪᕐᓄᑦ ᐱᓕᕆᐊᓄᑦ. ᒐᕙᒪᒃᑯᑦ ᐱᓂᐊᕐᓂᖏᑦ ᓴᐳᓐᓂᐊᖅᑕᐅᓯᒪᔪᖃᖅᑎᑦᑎᓂᐊᕐᓂᖅ, ᐊᕙᑎᒥᓪᓗ ᖃᐅᔨᓴᖅᐸᓪᓕᐊᖏᓐᓇᕐᓂᖅ, ᓄᓇᐃᓪᓗ ᐊᑑᑎᒃᓴᖏᓐᓄᑦ ᐸᕐᓇᐃᓂᖅ ᐃᑲᔪᖅᑕᐅᒋᐊᓪᓚᒃᑲᓐᓂᕐᓂᐊᕆᕗᑦ ᐱᕙᓪᓕᑎᑦᑎᓂᕐᒥᒃ ᐅᑭᐅᖅᑕᖅᑐᒥ ᓄᓇᒥᐅᑕᑐᖃᕐᓂᒃ, ᓴᐳᓐᓂᐊᖅᑕᐅᓯᓐᓈᕐᓂᖏᓐᓂᒃ ᐆᒪᔪᖁᑎᖏᓪᓗ ᐱᕈᖅᑐᖁᑎᖏᓪᓗ.

ᐅᑭᐅᖅᑕᖅᑐᖅ ᐊᕙᑎᖃᕐᒪᑦ ᐊᑦᑕᕐᓇᖅᑐᒻᒪᕆᐅᔪᒥᒃ ᓵᖓᔭᐅᓂᖅᐹᖑᓪᓗᓂᓗ ᐊᒃᑐᖅᑕᐅᓂᕐᒧᑦ ᓯᓚᐅᑉ ᐆᓇᖅᓯᕙᓪᓕᐊᓂᖓᓄᑦ ᐊᒻᒪᓗ ᐋᕿᒋᐊᕆᐊᖃᕐᓂᕐᒧᑦ. ᑮᓇᐅᔭᐃᑦ ᐊᑐᖅᑐᒃᓴᐃᑦ 2011−ᒥ ᑐᓴᒐᒃᓴᖃᓚᐅᖅᑐᑦ $8 ᒥᓕᔭᓐᓂᒃ ᐊᑐᖅᑐᒃᓴᓂᒃ ᒪᕐᕉᖕᓄᑦ ᐊᕐᕌᒎᖕᓄᑦ, ᓴᓗᒪᓂᖅᓴᑎᒍᑦ ᐆᒻᒪᖁᑎᓯᐅᕈᑎᓕᕆᓂᕐᒧᑦ ecoEnergy−ᖑᓂᕋᖅᑕᐅᔪᓂᒃ ᓄᓇᖃᖄᖅᑐᓄᓪᓗ ᐅᑭᐅᖅᑕᖅᑐᒥᐅᓄᓪᓗ ᓄᓇᓕᖕᓄᑦ, ᐊᑐᖅᑕᐅᕙᓪᓕᐊᔾᔪᑕᐅᓂᐊᕐᒪᑕ ᓴᓗᒪᔪᓂᒃ (ᓱᕈᕐᑎᕆᖏᓐᓂᖅᓴᐅᔪᓂᒃ ᓯᓚᒥᒃ) ᓴᓇᕐᕈᑎᓂᒃ ᓄᓇᖏᓐᓂ. ᑐᓴᒐᒃᓴᖃᓚᐅᕐᒥᔪᑦ ᑮᓇᐅᔭᓂᒃ $7.6 ᒥᓕᔭᓐᓂᒃ ᒪᕐᕈᖕᓂᒃ ᐊᑐᒎᖕᓂᒃ ᐊᑐᖅᑐᒃᓴᓂᒃ ᓄᓇᓕᖕᓂᒃ ᐱᔾᔪᑎᖃᖅᑐᓂᒃ ᖃᐅᔨᒪᔭᐅᔾᔪᑎᒃᓴᓂᒃ ᓴᓇᕐᕈᑎᒃᓴᖏᓐᓂᒡᓗ ᓄᓇᖄᖃᖅᑐᓂ ᐅᑭᐅᖅᑕᖅᑐᒥᓗ ᓄᓇᓕᖕᓂ ᖃᐅᔨᓴᖅᑕᐅᓂᖏᓐᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᓗᕆᐊᓇᖅᑐᒦᑦᑐᓐᓇᕐᓂᖏᑦ ᐊᒻᒪᓗ ᓴᕿᐅᒪᑎᑦᑎᓂᕐᒧᑦ ᐋᕿᒋᐊᕈᑎᔅᓴᐅᔪᓐᓇᕋᔭᖅᑐᓂᒃ ᐸᕐᓇᐅᑎᔅᓴᓂᒃ.

2007−ᖑᑎᓪᓗᒍ, ᐊᑖᒍᑦ ᖃᓄᐃᖏᔾᔪᑎᖏᑦ ᑕᕆᐅᕌᓗᐃᑦ ᑲᑎᒪᔨᖏᓐᓂᒃ ᐱᒋᐊᖅᑎᑕᐅᓯᒪᔪᑦ (Health of the Oceans Panel−ᖑᓂᕋᑕᐅᔪᑎᒍᑦ), $60 ᒥᓕᔭᓐ ᑮᓇᐅᔭᐃᑦ ᐊᑭᓕᖅᑕᐅᓚᐅᖅᑐᑦ ᐊᑐᕐᓂᐊᖅᑐᑦ ᑕᓪᓕᒪᓄᑦ ᐊᕐᕋᒍᓄᑦ, ᑲᓇᑕᒥᐅᑕᐃᑦ ᐃᒪᕖᑦ ᐊᖅᑯᓵᖅᑕᐅᔭᕆᐊᖃᓲᑦ ᐅᒥᐊᕐᔪᐊᕐᓄᑦ ᓱᕈᕐᓇᖅᑐᓕᖅᑎᖅᑕᐅᑕᐃᓪᓕᒪᔭᕆᐊᖃᕐᓂᖏᓐᓄᑦ. ᑕᒪᓐᓇ  ᐱᒋᐊᖅᑎᑕᐅᓯᒪᓂᖅ ᐊᒡᔭᖅᑐᐃᔾᔪᑕᐅᓚᐅᖅᑐᖅ 19−ᓄᑦ ᑎᑭᑕᐅᓴᕋᐃᖏᑦᑐᑦ ᓄᓇᓖᑦ ᐱᐅᓂᖅᓴᓂᒃ ᐅᒥᐊᕐᔪᐊᕐᓂᒃ ᓱᕈᕐᓇᖅᑐᖅᑖᕐᕕᐅᓂᖏᓐᓂᒃ ᖃᐅᔨᓴᕈᑎᓂᒃ  ᐱᖁᑎᓂᒃ 2010−ᒥ, ᐃᓚᒋᔭᐅᕈᑕᐅᓪᓗᑎᒃ ᐱᑕᖃᕇᖅᑐᓄᑦ ᐱᖁᑎᓄᑦ ᓱᕈᕐᓇᖅᑐᖅᑖᖅᑎᑕᐅᒌᒃᑯᑎᖏᓐᓄᑦ ᐱᖁᑎᓄᑦ ᐅᑭᐅᖅᑕᖅᑐᒥ. ᐱᓕᕆᐊᖑᒋᐊᖅᓯᒪᓕᕐᕆᕗᑦ ᐱᐅᓯᒋᐊᖅᑕᐅᔾᔪᑎᒃᓴᖏᑦ ᐅᒥᐊᕐᔪᐊᓕᕆᓂᕐᒧᑦ ᒪᓕᒐᐃᑦ ᒪᓕᒐᓪᓗᑐᖏᓪᓗ (ᒪᓕᒐᐃᑦ ᐃᓗᓕᕆᕙᒃᑕᖏᑦ), ᓲᕐᓗ ᐋᕿᒋᐊᕈᑏᑦ ᐅᑭᐅᖅᑕᖅᑐᒥ ᐃᒪᖁᑎᒋᔭᐅᔪᓄᑦ ᓱᕈᕐᓇᖅᑐᖅᑖᖅᑎᑦᑎᑕᐃᓕᒪᓂᕐᒧᑦ ᒪᓕᒐᐃᑦ, ᒪᓕᒃᑕᐅᖃᑦᑕᖁᔭᐅᓪᓗᑎᒃ ᑲᓇᑕᐅᑉ ᓴᖏᔪᒻᒪᕇᑦ ᐊᕙᑎᓕᕆᓂᕐᒧᑦ ᒪᓕᒐᖏᑦ, ᐊᒻᒪᓗ ᐅᒥᐊᖅᔪᐊᓕᕆᓂᕐᒧᑦ ᒪᓕᒐᓪᓗᑐᖏᑦ, ᐊᑐᕆᐊᓖᑦ ᐃᓗᐊᓂ 200 ᒪᐃᓕᑦ ᑕᕆᐅᕐᒧᑦ ᓄᓇᒥᓂᒃ ᐅᖓᓯᖕᓂᖃᖅᑐᓂᒃ.

ᓄᓇᐃᑦ ᑭᖑᓂᑐᖄᒍᑦ ᐊᑐᖅᑕᐅᒋᖅᓯᒪᓕᖅᓱᑎᒃ ᐃᒃᐱᒋᔭᐅᓕᓵᖃᖅᑕᕐᒪᑕ ᐊᒥᓲᓪᓗᑎᒃ ᐱᐅᓯᑐᖃᕆᔭᐅᕙᓚᐅᖅᓯᒪᔪᓂᒃ ᐱᓯᒪᔪᑦ, ᓱᕈᖅᑎᕆᔪᓐᓇᖅᑐᑦ ᓄᓇᒥᒃ, ᓯᓚᒥᒃ, ᐃᒪᕐᒥᒃ, ᐅᓗᕆᐊᓇᕈᑕᐅᓗᑎᒃ ᐃᓄᖕᓄᑦ ᖃᓄᐃᓂᕐᒧᑦ ᐊᒻᒪᓗ ᐊᕙᑎᒧᑦ, ᐊᔪᕐᓇᕈᑕᐅᓗᑎᒡᓗ ᑮᓇᔭᓕᐅᕐᕕᐅᔪᓐᓇᕋᔭᖅᑑᒐᓗᐊᕐᓄᑦ. ᑲᓇᑕᒥ ᓱᕈᕐᓇᖅᑐᖃᖅᑐᓂᒃ ᓄᓇᓂᒃ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᑦ ᓴᓇᔭᐅᓯᒪᔪᑦ ᐊᑐᒐᒃᓴᖃᕐᓂᕐᒧᑦ ᓇᔪᖅᑕᐅᔪᓐᓇᕐᓂᖏᓐᓂᒃ, ᐋᕿᒋᐊᖅᑕᐅᔪᓐᓇᕐᓂᖏᓐᓂᒃ, ᖃᐅᔨᓴᖅᑕᐅᕙᓪᓕᐊᖏᓐᓇᕈᓐᓇᕐᓂᖏᓐᓂᓗ ᓄᓇᐃᑦ ᒐᕙᒪᒃᑯᓐᓄᑦ ᑲᒪᒋᔭᐅᕆᐊᖃᖅᑐᑦ, ᐃᓚᖃᖅᓱᑎᒃ ᓯᕗᓪᓕᐅᑎᑕᐅᔭᕆᐊᖃᒻᒪᕆᒃᑐᓂᒃ ᓄᓇᓂᒃ ᓲᕐᓗ ᔾᔭᐃᔭᓐᑦ ᒪᐃᓐᒃᑯᑦ ᐅᔭᕋᖕᓂᐊᕐᕕᕕᓂᐊᓗᐊᓂᒃ ᐊᒻᒪᓗ ᕙᐅᕉᑉ ᐅᔭᕋᖕᓂᐊᕐᕕᖓᓂᒃ , ᑲᓇᑕᐅᒃ ᐅᑭᐅᖅᑕᖅᑐᖓᓂ . ᓴᓇᔭᐅᓂᐊᖅᑐᓂᒃ ᐅᓪᓗᒥᒧᑦ ᐅᖃᐅᓯᕐᓂᕐᒥ, ᑮᓇᐅᔭᐃᑦ ᐊᑐᖅᑐᒃᓴᐃᑦ 2011−ᒥ ᐃᓚᖃᕐᒥᔪᑦ ᐊᓯᑲᓐᓂᖏᓐᓂᒃ $68 ᒥᓕᔭᓐᓂᒃ ᐊᑐᒐᔅᓴᓐᓂᒃ ᒪᕐᕈᖕᓂᒃ ᐊᕐᕌᒍᓐᓂᒃ ᐊᐅᓚᑕᐅᓂᖏᓐᓄᑦ ᐊᒻᒪᓗ ᓄᓇᐃᑦ ᖃᐅᔨᒋᐊᖅᑕᐅᒃᑲᓐᓂᕈᑎᔅᓴᖏᓐᓄᑦ.

ᐱᐅᓯᒋᐊᖅᑕᐅᓂᖏᑦ ᐊᒻᒪᓗ ᑎᒍᔭᐅᕙᓪᓕᐊᓂᖏᑦ ᐅᑭᐅᖅᑕᖅᑐᒥ ᐊᐅᓚᑦᑎᔨᐅᔾᔪᑏᑦ

ᓄᓇᑖᕈᑎᖃᕐᓂᕐᒥᓄᑦ ᐊᒻᒪᓗ ᓇᖕᒥᓂᖅ ᐊᐅᓚᑦᑎᔨᐅᓂᐊᕐᓂᕐᒧᑦ ᐊᖏᕈᑎᑎᒍᑦ, ᓄᓇᖃᖄᖅᑐᑦ ᓄᓇᓖᑦ ᓴᕿᐅᒪᑎᑦᑎᕙᓪᓕᐊᓕᖅᑐᑦ ᐅᑭᐅᖅᑕᖅᑐᒥᐅᓂ−ᓴᓇᓯᒪᔪᓂᒃ ᐊᑐᐊᒐᕐᓂᒃ ᐊᒻᒪᓗ ᖃᓄᐃᓕᐅᕈᑎᒃᓴᓂᒃ, ᖃᓄᖅᑑᕈᑎᒋᓂᐊᖅᑕᖏᓐᓂᒃ ᐊᔾᔨᖏᑦᑐᓂᒃ ᐊᒃᓱᕈᕐᓇᕈᑕᐅᔪᓂᒃ ᐊᒻᒪᓗ ᖃᑭᒋᐊᕈᑎᔅᓴᕆᓐᓇᖅᑕᖏᓐᓂᒃ. ᑲᓇᑕᐅᑉ ᒐᕙᒪᒃᑯᑦ ᐱᓕᕆᖃᑎᖃᐃᓐᓇᕐᓂᐊᖅᐳᑦ ᑕᒪᐃᓐᓂᒃ ᐅᑭᐅᖅᑕᖅᑐᒥ ᐃᓚᒥᓂᓂᒃ ᓯᕗᒻᒧᐊᒃᑕᐅᕙᓪᓕᐊᓂᖏᓐᓄᑦ ᐊᑐᑦᑎᐊᕈᓐᓇᖅᑐᑦ, ᐊᔾᔨᐅᖏᑦᑐᑦ ᐊᒻᒪᓗ ᐊᕿᐅᒪᑦᑎᐊᕐᓂᖅᓴᐅᔪᑦ ᐊᐅᓚᑦᑎᓂᕐᒧᑦ ᐱᐅᓯᕆᔭᐅᓂᐊᖅᑐᑦ ᐊᑐᖅᑕᐅᓕᕈᓐᓇᖅᑐᓂᒃ.

ᑲᓇᑕᐅᑉ ᒐᕙᒪᒃᑯᖏᑦ ᐱᓂᐊᕐᓂᖃᖅᐳᑦ ᓄᑖᕈᖅᑎᕆᔪᒪᓂᕐᒥᒃ ᐊᒻᒪᓗ ᐱᕈᖅᓴᐃᑦᑎᐊᕆᐊᒃᑲᓐᓂᕈᒪᓂᕐᒥᒃ ᐃᓚᖃᕐᓂᕐᒥᓂᒃ ᓄᓇᖃᖄᖅᑐᓂᒃ ᑲᓇᑕᒥ. ᐋᒐᓯ 2010−ᖑᑎᓪᓗᒍ, ᒐᕙᒪᒃᑯᑦ ᓴᕿᑎᑦᑎᓚᐅᖅᑐᑦ ᒪᒥᐊᓐᓂᕐᒥᓂᒃ ᐃᓄᖕᓄᑦ ᐃᓚᒌᖕᓄᑦ ᓄᒃᑎᖅᑕᐅᓚᐅᖅᓯᒪᔪᓄᑦ ᖁᑦᑎᒃᑐᕐᒥᐅᓄᑦ 1950−ᖏᓐᓂ, ᐃᓕᑕᕆᔭᐅᓪᓗᑎᒃ ᑲᔪᓯᓐᓇᕈᓐᓇᖅᓯᒪᓂᖏᑦ ᑲᑉᐱᐊᓱᓕᑐᐃᓐᓇᖅᑕᐃᓕᒪᐃᓐᓇᖅᓱᑎᒃ, ᐊᒃᓱᕈᕐᓇᖅᑐᒃᑰᖅᓯᒪᓂᖏᓐᓄᑦ, ᐊᒻᒪᓗ ᐃᑲᔪᖅᑎᐅᓯᒪᓂᖏᑦ ᓴᖏᔫᔫᓂᒃ ᓇᔪᖅᑕᐅᓂᖓᓂᒃ ᑲᓇᑕᒧᑦ ᓄᓇᖃᕈᑕᐅᓂᖓᓄᓪᓗ ᖁᑦᑎᒃᑐᖅ ᓄᓇᒋᔭᖅ.

ᕕᕗᐊᕆ 2011−ᖑᑎᓪᓗᒍ, ᒐᕙᒪᒃᑯᑦ ᐊᑎᓕᐅᓚᐅᖅᑐᑦ ᓯᕗᓪᓕᖅᐹᑦᑎᐊᒥᒃ ᐊᖏᕈᑎᒥᒃ ᐃᓚᒋᓪᓗᒋᑦ ᑎᔅᓚᓐᑯᑦ ᒃᖠᖏᑦᑯᑦ ᑲᑎᒪᔨᕐᔪᐊᖏᑦ, ᐃᖕᒥᓂᒃ ᐊᐅᓚᑦᑎᓪᓗᑎᒃ ᓄᓇᖃᖄᖅᑐᑦ ᔫᑳᓐᒥ, ᑎᔅᓕᓐ ᓄᓇᖏᑕ ᑲᑎᒪᔨᖏᑦ ᐊᐅᓚᑦᑎᓂᕆᔭᖏᑦ ᐃᖅᑲᖅᑐᐃᔪᓕᕆᓂᕐᒥᒃ ᐊᖏᖃᑎᒌᒍᑎᖓᑦ ᐊᔪᖏᑎᑦᑎᔪᖅ ᐅᑯᐊ ᐊᓪᓚᐃᑦ ᐊᐅᓚᑦᑎᓗᑎᒃ, ᐃᖏᕐᕋᑎᓪᓗᒋᑦ ᐊᒻᒪᓗ ᐋᕿᒃᓯᔾᔪᑕᐅᔪᓐᓇᖅᑐᑦ ᐱᑦᑎᐊᖏᓗᑕᐅᔪᓄᑦ ᒪᓕᒐᕐᑎᒍᑦ ᑕᒪᐅᓐᓇ ᐱᐅᓯᑐᖃᕐᒥᒃ ᒪᓕᒐᖏᑦᑎᒍᑦ. ᐅᓇ ᐋᔩᖃᑎᒌᒍᑕᐅᓂᖓ ᐊᖏᕈᑎᓂᒃ ᐋᕿᒃᓯᒪᑦᑎᐊᕐᑎᑦᑎᔪᖅ ᐊᖕᖏᖅᓯᒪᑦᑎᐊᕐᓂᖕᒥᒃᓂᓗ ᐋᕿᑦᑎᐊᖅᓯᒪᓗᒍ ᑎᔅᓕᓐ ᑲᑎᒪᔨᖏᑦ ᓇᖕᒥᓂᖅ ᒐᕙᒪᒥᖕᓂᒃ ᐊᖏᖃᑎᒌᒍᑎᓂ, ᐅᑯᐊᓗ ᐊᔪᖏᑎᑦᑎᔪᑦ ᐊᓪᓚᓂᒃ ᐋᖀᒋᐊᕈᓐᓇᕐᓗᒋᑦ ᓇᖕᒥᓂᖅ ᐊᑐᖅᑕᐅᑎᓪᓗᒋᑦ ᒪᓕᒐᕐᑎᒃ ᒪᓕᒐᓕᐅᕈᓐᓇᕐᓗᑎᒃ ᐃᖃᖅᑐᐃᔪᓕᕆᓂᕐᑎᒃ.

ᐊᐅᓚᑕᐅᖔᕈᓐᓇᕐᓂᖏᑦ ᓄᓇᐃᓪᓗ ᓄᓇᒥᐅᑕᐃᓪᓗ ᐱᒻᒪᕆᐅᓪᓗᓂ ᐃᓚᒋᔭᐅᕗᖅ ᓯᕗᓂᒃᓴᖓᓄᑦ ᐅᑭᐅᖅᑕᖅᑑᑉ. ᐄᐳ 2003-ᒥ, ᔫᑲᓐᒥᐅ ᓯᕗᓪᓕᖅᐹᖑᓕᓚᐅᖅᑐᑦ ᑎᒍᒥᐊᖅᑐᑦ ᐊᐅᓚᑦᑎᔨᐅᔪᓐᓇᕐᓂᕐᒥᓂᒃ ᓄᓇᓂᒃ ᓄᓇᒥᐅᑕᓂᒡᓗ ᑲᒪᔨᐅᓂᖅ, ᐃᓱᒪᓕᐅᖅᑎᐅᓂᖅ ᑎᒍᒥᐊᖅᑕᐅᓪᓚᕆᓕᖅᓱᓂ ᔫᑳᓐᒥᐅᑦ ᐃᓄᖁᑎᖏᓐᓄᑦ.

2008−ᖑᑎᓪᓗᒍ, ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦ ᐊᑎᓕᐅᓚᐅᖅᑐᑦ ᐊᖏᕈᑎᓂᒃ ᓯᕗᓂᒃᓴᒥ ᐊᔩᖃᑎᒌᒎᒫᕐᓂᕐᒧᑦ ᐊᐅᓚᑦᑎᔨᕈᕈᒫᕈᑎᓂᒃ ᐊᖏᕈᑎᒃᓴᓂᒃ.

“ᐃᓚᖓᑦ ᐱᒻᒪᕆᐅᔪᖅ ᓯᕗᓕᐅᑎᑕᐅᔪᖅ ᒐᕙᒪᒃᑯᑎᓐᓄᑦ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᓕᐊᕆᔭᐅᓯᒪᔪᓂᒃ ᐱᔾᔪᑎᖃᖅᑐᖅ ᓴᖏᔫᓂᖅᓴᐅᔪᒥᒃ, ᐊᔾᔨᒋᖏᑦᑑᑎᐅᓂᖅᓴᓂᒃ ᐱᐅᔫᑎᓂᒃ ᑮᓇᐅᔭᓕᐅᖃᑕᐅᔪᓐᓇᕐᓂᖏᑦ ᐅᑭᐅᖅᑕᖅᑐᒥᐅᑕᐃᑦ ᐃᓚᒌᒃᑐᑦ ᐊᒻᒪᓗ ᓇᖕᒥᓂᖅ ᓴᓇᕝᕕᖃᖅᑐᑦ/ᐃᖃᓇᐃᔮᖃᖅᑐᑦ.” ᑲᓇᑕᐅᑉ ᓯᕗᓕᐅᖅᑎᖓ ᓯᑏᕙᓐ ᕼᐊᕐᐸ

ᐱᒋᐊᓕᓵᖅᑎᓪᓗᒍ 2011, ᐊᖏᖃᑎᒌᒎᑎᑦ ᐱᓕᕆᓂᐊᕐᓂᕐᒧᑦ ᓯᕗᓪᓕᖅᐹᖅᓯᐅᑎᑦ ᑐᓂᔭᐅᓂᖏᓐᓄᑦ ᓄᓇᐃᓪᓗ ᓄᓇᒥᐅᑕᐃᓪᓗ ᐊᐅᓚᑕᐅᓂᖏᓐᓄᑦ ᑲᒪᒋᔭᐅᔪᒃᓴᐃᑦ ᓄᓇᑦᓯᐊᕐᒥᐅᓂ ᐊᑎᓕᐅᖅᑕᐅᓚᐅᖅᑐᑦ.  ᐱᒋᐊᓕᓵᖅᓯᒪᓂᕐᒧᑦ ᐅᖃᖃᑎᒋᒃᓯᒪᓕᖅᑐᑦ ᑐᕌᖓᔪᓂᒃ ᑭᖑᓪᓕᖅᐸᓂᒃ ᐊᖏᕈᑎᒃᓴᓕᐅᕐᕈᒪᕐᓂᕐᒧᑦ.

ᐊᐅᓚᑦᑎᓂᖅᐆᒃᑐᕋᐃᓂᒃᑯᑦᐅᑭᐅᖅᑕᖅᑐᒥᓄᓇᖁᑎᖏᓐᓂᒃᑲᓇᑕᐅᑉ

ᑲᓇᑕᐅᑉ ᐊᐅᓚᑦᑎᔨᐅᔪᑑᓂᖓ ᓯᓚᒥᒃ, ᓄᓇᒥᒃ, ᐃᒪᕐᓂᒡᓗ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ, ᖃᐅᔨᒪᔭᐅᔪᑐᖃᐅᖕᒪᑦ ᐊᑯᓂᐅᓕᖅᑐᖅ, ᐃᓕᑕᕆᔭᐅᓯᒪᑦᑎᐊᖅᓱᓂ ᐊᒻᒪᓗ ᑐᖓᕕᖃᖅᓱᓂ ᓄᓇᒋᔭᐅᖏᓐᓇᕐᓂᖓᓄᑦ ᓄᓇᖄᖃᖅᑐᑐᖃᐅᔪᓄᑦ. ᑲᓇᑕᐅᑉ ᒐᕙᒪᒃᑯᖏᑦ ᓴᖏᔫᓈᖅᓯᒪᓪᓗᑎᒃ ᖃᐅᔨᒪᔭᐅᑎᑦᑎᒋᐊᖃᑦᑕᓕᖅᐳᑦ ᓇᔪᖅᑕᐅᓂᖓᓂᒃ ᐅᑭᐅᖅᑕᖅᑐᖅ, ᐅᔾᔨᑑᑎᒋᓪᓗᒍ ᑲᓇᑕᒥ ᐊᔪᖏᓐᓂᖃᕐᓂᖅ ᐱᓕᕆᔪᓐᓇᕐᓂᖓᓂᒡᓗ ᓴᐳᓐᓂᐊᖅᑎᐅᓂᖅ ᓇᐅᑦᑎᖅᑐᖅᑕᐅᑎᑦᑎᓂᕐᓗ ᓄᓇᒥᓂᒃ, ᑕᕆᐅᒥᒃ, ᐊᒻᒪᓗ ᓯᓚᒥᒃ.

ᐊᕐᕋᒍᓕᒫᖅ ᖃᖓᑕᓲᒃᑯᑦ, ᓄᓇᒃᑯᑦ, ᖁᒻᒧᐊᒃᑎᑕᐅᓯᒪᔪᑎᒍᓪᓗ ᓇᐅᑦᑎᖅᑐᕈᑏᑦ/ᕿᖑᒻᒥᒐᐅᑏᑦ ᐱᐅᓯᕙᓪᓕᕈᑕᐅᓯᒪᓕᖅᐳᑦ ᒐᕙᒪᒃᑯᑦ ᐊᔪᖏᓐᓂᖏᓐᓂᒃ ᑐᐊᕕᐊᖃᓗᑎᒃ ᖃᓄᐃᓕᐅᕈᓐᓇᕐᓂᖏᓐᓂᒃ ᖃᖓᑐᐃᓐᓇᖅ ᑐᐊᕕᕐᓇᖅᑐᖃᓕᕋᔭᖅᐸᑦ. ᑲᓇᑕᒥ ᕆᓐᔭᐃᑦ ᐅᓇᑕᖅᑐᒃᓴᖑᐊᑦ ᓇᐅᑦᑎᖅᑐᖅᑎᐅᕙᒃᐳᑦ ᑕᐃᒪᖓᑦ ᐊᒻᒪᓗ ᖃᖓᑕᓲᖅᑎᑦ ᐅᓇᑕᖅᑐᒃᓴᐃᑦ ᓇᐅᑦᑎᖅᑐᕆᐊᖏᓐᓇᐅᔭᓲᖑᒻᒥᔪᑦ ᐃᑲᔪᖅᓱᐃᓂᕐᒧᑦ ᐊᒥᓕᑲᒥᐅᓪᓗ ᑲᓇᑕᒥᐅᓪᓗ ᓴᐳᓐᓂᐊᖅᑎᐅᖃᑎᒌᖕᓂᖏᓐᓄᑦ ᓄᓇᕐᔪᐊᖏᒃ ᐊᑕᖃᑎᒌᖕᓂᖕᓐᓄᑦ ᓇᐅᑦᑎᖅᑐᖅᑎᓂᒃ (NORAD−ᑯᓐᓂᒃ). ᑕᐃᒪᖓᑦ 2007−ᒥᒃ, ᐊᔾᔨᓕᐅᕈᑎᐊᓗᐃᑦ/ᕿᖑᒻᒥᒐᐅᑎᑦ ᐊᑎᖃᖅᑎᑕᐅᔪᑦ RADARSAT-2−ᒥᒃ ᐊᔾᔨᓕᐅᖅᐸᓪᓕᐊᖏᓐᓇᖅᓯᒪᔪᖅ ᐃᒪᕕᖕᓂᒃ ᐃᑳᕐᕕᐅᔪᓐᓇᖅᑐᓂᒃ ᑕᕆᐅᒃᑯᑦ, ᐱᐅᓯᒋᐊᕈᑕᐅᓯᒪᓪᓗᑎᒃ ᐊᔪᖏᓐᓂᑦᑎᓐᓂᒃ ᒪᓕᒍᓐᓇᕐᓂᖅ ᐅᒥᐊᕐᔪᐊᑦ ᐃᖏᕐᕋᓂᖏᓐᓂᒃ ᓯᑯᖃᖅᑐᑎᒍᑦ ᐃᒪᒃᑯᑦ. ᐃᖃᓇᐃᔭᕐᕕᖓᑦ ᓴᐳᓐᓂᐊᖅᑎᒃᑯᑦ ᐅᑭᐅᖅᑕᖅᑐᒥ ᐃᑉᓯᓛᓐᖑᓂᕋᖅᑕᐅᔪᒥᒃ (Epsilon-ᒥᒃ ᑕᐃᔭᐅᔪᖅ) ᐱᓕᕆᓂᔪᖅ, ᐊᐅᓚᑕᐅᒋᐊᕐᓂᐊᖅᑐᖅ ᑕᒪᕐᒥᒃ ᑎᓯᐱᕆ 2011−ᖑᓕᖅᐸᑦ, ᐊᑐᕐᓂᐊᕐᒥᔪᖅ ᐊᔾᔨᓕᐅᕈᒥᒃ−ᕿᖑᒻᒥᒐᕐᒥᒃ RADARSAT−ᑉᒥᒃ ᖁᒻᒧᐊᒃᑎᑕᐅᓯᒪᔪᓂᒃ, ᐃᑲᔫᑕᐅᓂᕐᒧᑦ ᓯᓚᑐᐃᓐᓇᕐᒥ ᕿᓚᖕᒥᒃ ᕿᖑᒥᒐᖅᑕᐅᔪᓐᓇᖅᓯᓂᖓᓄᑦ ᑲᓇᑕᐅᑉ ᐅᑭᐅᖅᑕᖅᑐᖓ. ᑲᓇᑕᒥ ᓯᑯᓯᐅᑏᑦ ᓯᒡᔭᒥᒃ ᓴᐳᓐᓂᐊᖅᑎᐅᔪᑦ ᐅᒥᐊᖅᑐᖅᑎᖏᑦᑕ ᖃᐅᔨᒪᓂᖏᑦ, ᐊᒻᒪᓗ ᐅᒥᐊᕐᔪᐊᕐᓂᒃ ᐃᓕᑕᖅᓯᔾᔪᑎᕈᓐᓇᕐᓂᖏᑦ ᐊᒻᒪᓗ ᒪᓕᒃᑕᐅᑲᐃᔪᓐᓇᕐᓂᖏᑦ ᐊᐅᓚᕙᓪᓕᐊᓂᖏᓐᓂᒃ, ᓲᕐᓗ ᐅᖓᓯᒃᑐᒥᒃ ᓇᓗᓇᐃᖅᓯᔪᓐᓇᕐᓂᖅ ᑭᓇᒃᑰᓂᖏᓐᓂᒃ ᐊᒻᒪᓗ ᒪᓕᒃᑕᐅᔪᓐᓇᕐᓂᖏᓐᓂᒃ ᖃᕆᑕᐅᔭᒃᑯᑦ ᓴᓇᕐᕈᑎᖏᑦ, ᐊᑑᑎᖃᕐᓂᐊᕐᒥᒧᑦ ᐅᑭᐅᖅᑕᖅᑑᑉ ᓄᓇᖁᑎᖓᓂᒃ ᖃᐅᔨᒪᔭᐅᔪᓂᒃ ᐊᒻᒪᓗ ᓇᓗᓇᐃᖅᑕᐅᔪᓐᓇᕐᓂᖏᓐᓄᑦ ᐅᓗᕆᐊᓇᕐᓂᖃᕈᓐᓇᖅᑐᑦ ᑲᓇᑕᐅᑉ ᐅᑭᐅᖅᑕᖅᑐᒥ ᐃᒪᖁᑎᖏᓐᓂ ᐊᒻᒪᓗ ᑎᑭᕝᕕᐅᕙᓪᓕᐊᓂᖏᓐᓂᒃ.

ᐊᕐᕋᒍᑕᒫᖅ, ᑲᓇᑕᒥ ᐅᓴᑕᖅᑐᒃᓴᐃᑦ ᐱᒻᒪᕆᐅᔪᓂᒃ ᓄᓇᖁᑎᖃᕐᓂᕐᒥᓄᑦ ᐊᐅᓚᑦᑎᕙᒃᐳᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᑐᕌᒐᖃᕐᓂᕐᒧᑦ ᐱᐅᓯᒋᐊᖅᑕᐅᖁᔭᐅᓂᖏᑦ ᐃᖃᓇᐃᔭᕐᕕᐅᖃᑎᒋᒃᑐᑦ ᐊᔾᔨᒋᖏᑦᑐᓂᒃ ᑐᑭᓕᐅᖅᓯᒪᑦᑎᐊᕈᓐᓇᕐᓂᖏᓐᓂᒃ ᑐᐊᕕᕐᓇᖅᑐᖃᖅᐸᑦ ᐅᑭᐅᖅᑕᖅᑐᓂ. ᐊᐅᓚᑕᐅᔪᑦ ᓇᓄᖅ, ᓄᓇᒃᐳᑦ, ᓄᓇᓕᕗᓪᓗ ᑕᒪᐃᓐᓂᒃ ᐊᑐᖅᑕᐅᕙᒃᑐᑦ ᖁᑦᑎᒃᑐᕐᒥᐅᓂ, ᐅᐊᓕᓂᕐᒥᐅᓂ ᐊᒻᒪᓗ ᑲᓇᖕᓇᕐᒃᒥᐅᓂ ᐅᑭᐅᖅᑕᖅᑐᒥ, ᐊᑐᓂ.

ᐋᒐᓯ 2010-ᒥ, ᐅᖓᑖᓃᓚᐅᖅᑐᑦ 900−ᖑᔪᑦ ᑲᓇᑕᒥ ᐅᓇᑕᖅᑐᒃᓴᐃᑦ ᐃᖃᓇᐃᔭᖅᑏᑦ ᓴᓂᓕᖃᖅᓱᑎᒃ ᐊᒥᓱᒐᓴᖕᓂᒃ ᐃᓚᒋᔭᐅᔪᓂᒃ ᐊᓯᖏᓐᓂᒃ ᒐᕙᒪᒃᑯᑦ ᐃᖃᓇᐃᔭᕐᕕᖁᑎᖏᓐᓂᖔᖅᓯᒪᔪᑦ, ᐊᒻᒪᓗ ᐃᓚᒋᕙᒃᑕᖏᑦ ᐊᒥᐊᓕᑲᒥᐅᓪᓗ ᑎᐊᓐᒫᒃᒥᐅᑕᐃᓪᓗ, ᐃᓚᐅᕙᒃᑐᑦ ᐊᐅᓚᑦᑎᓂᕐᒥᒃ ᓇᓄᖅᒥᒃ. ᐊᒥᐊᓕᑲᒥᐅᓪᓗ ᑎᐊᓐᒫᒃᒥᐅᓪᓗ ᐃᓚᐅᔪᒫᕐᓂᐊᕐᒥᔪᑦ ᐊᐅᓚᑕᐅᔪᖅ ᓇᓄᖅ ᑲᔪᓯᓕᕐᒥᒃᐸᑦ 2011−ᒥ.

ᔪᓚᐃ 2010−ᖑᑎᓪᓗᖑ, ᑲᓇᑕᒥ ᓴᕿᑎᑦᑎᓚᐅᖅᑐᖅ ᓄᑖᓂᒃ ᐅᖃᖃᑦᑕᕆᐊᖃᖅᑎᑕᐅᓕᕐᓂᖅ ᒪᓕᒐᕆᔭᐅᔪᓂᒃ ᑲᓇᑕᒥᐅᑕᐅᖏᑦᑐᓄᑦ ᐊᒻᒪᓗ ᑲᓇᑕᒥᐅᑕᓄᑦ ᐅᒥᐊᕐᔪᐊᕐᓄᑦ ᐊᖏᓂᖏᑦ ᓇᓗᓇᐃᖅᑕᐅᓯᒪᓪᓗᑎᒃ ᐃᖏᕐᕋᓂᐊᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᑕ ᐃᒫᒍᑦ. ᐅᒥᐊᕐᔪᐊᑦ ᒫᓐᓇᐅᓕᖅᑐᖅ ᐅᓂᒃᑳᖃᑦᑕᕆᐊᖃᖅᑎᑕᐅᓕᖅᐳᑦ ᓯᕗᓂᐊᒍᑦ ᑲᓇᑕᐅᑉ ᐃᒫᓄᐊᓚᐅᖏᓐᓂᖏᓐᓂ, ᐅᒥᐊᖅᑐᕐᓂᖏᓐᓂ, ᐊᒻᒪᓗ ᐊᓂᓂᐊᓕᕌᖓᒥᒃ ᑲᓇᑕᐅᑉ ᐃᒪᖁᑎᖏᓐᓂᒃ ᐃᓕᑕᕆᔭᐅᓯᒪᔪᓂᒃ ᐅᑭᐅᖅᑕᖅᑑᑉ ᑲᓇᑕᐅᑉ ᐅᒥᐊᕐᔪᐊᒃᑯᑦ ᐊᖁᑎᖓᓐᓄᑦ ᐱᔨᑦᑎᕋᖅᑕᐅᕕᒃ (NORDREG-ᖑᓂᕋᖅᑕᐅᔪᖅ) ᑭᒡᓕᖃᖅᑎᑕᐅᔪᖅ. ᓄᑖᑦ ᒪᓕᒐᓪᓗᑐᐃᑦ ᐱᑕᖃᓕᖅᑐᑦ ᒪᓕᒃᑕᐅᖃᑦᑕᕆᐊᖃᖅᓕᖅ ᐃᓱᒪᖅᓲᑕᐅᑐᐃᓐᓇᕈᓐᓃᖅᓱᑎᒃ ᑕᐃᒃᑯᐊ ᑲᓇᑕᐅᑉ ᐃᒪᖁᑎᖏᓐᓄᑦ ᑎᑭᓯᒪᔪᑦ ᐃᖕᒥᓂᒃ ᐅᖃᐅᔾᔨᔪᓐᓇᕐᓂᖅ ᑕᒫᓃᓐᓂᕐᒥᓂᒃ, ᐅᖃᐅᔾᔨᖃᑦᑕᕆᐊᖃᖅᑎᑕᐅᓕᖅᓱᑎᒃ ᐃᖏᕐᕋᕕᒋᔭᒥᓂᒃ NORDREG−ᑯᑎᒍᑦ ᐃᒪᖁᑎᖏᓐᓂ ᑲᓇᑕᐅᑉ.

ᐅᓗᕆᓇᕐᓂᖃᖁᖏᔅᓱᒋᑦ ᐃᖏᕐᕋᕕᐅᓂᖏᓐᓂ ᐅᑭᐅᖅᑕᖅᑐᒥ ᐃᒪᖁᑎᖏᑦ ᐅᒥᐊᕐᔪᐊᕐᓄᑦ, ᑲᓇᑕᐅᑉ ᒐᕙᒪᒃᑯᖏᑦ ᐊᑭᓖᓯᒪᓕᖅᐳᑦ $35 ᒥᓕᔭᓐᓂᒃ ᐊᑑᑎᒃᓴᓄᑦ ᓯᓚᓐᓂᐊᖅᑎᖃᖁᑎᔅᓴᓄᑦ ᐊᒻᒪᓗ ᐅᒥᐊᖅᑐᕐᕕᐅᔪᓐᓇᕐᓂᕐᒧᑦ ᖃᐅᔨᒪᑎᑦᑎᖃᑦᑕᕐᓂᕐᒥᒃ ᐱᒻᒪᕆᐅᔪᓂᒃ ᐅᑭᐅᖅᑕᖅᑐᒥ ᑭᒡᓕᖃᖅᑎᑕᐅᔪᓂ. ᑕᒪᒃᑯᐊ ᐊᑐᕐᓂᐊᓕᖅᑐᑦ ᐱᔪᓐᓇᐅᑕᐅᓂᐊᖅᑐᑦ ᑲᓇᑕᒥᐅᑦ ᐊᐅᓚᑦᑎᔪᓐᓇᕐᓂᖏᓐᓂᒃ ᐅᓗᕆᐊᓇᖏᑦᑐᑎᒍᑦ ᐃᖏᕐᕋᕕᐅᔪᓐᓇᕐᓂᖏᓐᓂᒃ ᐅᒥᐊᕐᔪᐊᕐᓄᑦ, ᖃᐅᔨᓴᖅᑕᐅᑦᑎᐊᕐᓂᖅᓴᐅᔪᓐᓇᕐᓂᐊᓕᖅᓱᑎᒃ ᐅᒥᐊᕐᔪᐊᑦ ᐅᓯᔪᑦ ᐅᖅᓱᐊᓗᖕᒥᒃ, ᐅᓗᕆᐊᓇᖅᑐᖃᖅᑐᓂᒃ ᐱᖁᑎᓂᒃ, ᐊᒻᒪᓗ ᓱᕈᖅᑎᕆᔪᓐᓇᖅᑐᓂᒃ ᓱᓇᑐᐃᓐᓇᕐᒥᒃ, ᐊᒻᒪᓗ ᖃᓄᐃᓕᐅᕆᐊᑲᐅᑎᒋᔪᓐᓇᕐᓂᖅᓴᐅᓗᑎᒃ ᖃᖓᑐᐃᓐᓇᖅ ᐱᓂᕐᓗᒃᑐᖃᖅᐸᑦ.

ᑲᓇᑕᐅᑉ ᐅᑭᐅᖅᑕᖅᑐᖓ ᓄᓇᕐᔪᐊᕐᒥᐅᓄᑦ ᑕᐅᑐᒃᑕᐅᓂᖓ

ᑲᓇᑕᐅᑉ ᒐᕙᒪᒃᑯᖏᑦ ᓯᕗᓕᐅᖅᑎᐅᓕᕆᕗᑦ ᐅᑭᐅᖅᑕᖅᑐᒥᒃ ᐃᓱᒪᓘᑕᐅᔪᓂᒃ, ᑕᒪᐃᓐᓂᒃ ᐊᖏᕐᕋᒥ ᐊᒻᒪᓗ ᓄᓇᕐᔪᐊᕐᒥᐅᓂ. ᐱᒋᐊᖅᑎᑕᐅᓚᐅᖅᑐᖅ ᐋᒐᓯ 2010−ᒥ, ᑲᓇᑕᐅᑉ ᐅᑭᐅᖅᑕᖅᑐᒦᑦᑐᓂᒃ ᑲᓇᑕᒥᐅᑕᐅᖏᖕᑦᑐᓂᒃ ᐊᑐᐊᒐᕐᓂᒃ ᓇᓗᓇᐃᖅᓯᒋᐊᕈᑎᖏᑦ ᐅᖃᐅᓯᒃᓴᐃᑦ ᐃᑲᔪᕐᓂᖃᖅᐳᑦ ᐃᓱᒪᒋᔭᐅᓂᖏᓐᓂᒃ ᓄᓇᕐᔪᐊᕐᒥᐅᑕᐃᑦ ᐅᑭᐅᖅᑕᖅᑐᒥ ᖃᓄᐃᓕᐅᕈᑕᐅᕙᓪᓕᖓᔪᓂᒃ ᑲᒪᒋᔭᐅᖃᑕᐅᔪᓂ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᓕᐊᕆᔭᐅᓯᒪᔪᓄᑦ, ᓄᓇᕐᔪᐊᒥᐅᑕᓄᑦ ᑐᓴᐅᒪᔭᐅᒃᑲᐃᓂᖏᓐᓂᒃ, ᑲᓇᑕᐅᑉ ᓄᓇᕐᔪᐊᖓᑕ ᐃᓚᐅᖃᑦᑕᕆᐊᖃᕐᓂᖓᓂᒃ ᓄᓇᕐᔪᐊᕐᒥ ᖃᓄᐃᓕᐅᖅᐸᓪᓕᐊᔪᓂ. 

ᐃᓗᑐᓂᖏᑦ ᐊᒻᒪᓗ ᐱᔭᕆᐊᑐᓂᖏᑦ ᐊᒃᓱᕈᓐᓇᖅᑐᓪᓗ ᖃᑭᕚᓪᓕᕈᑕᐅᔪᓐᓇᖅᑐᓪᓗ ᐅᑭᐅᖅᑕᖅᑐᒥᐅᓂ ᓄᓇᕐᔫᑉ ᖄᖓᓂ ᓄᓇᓕᒡᔪᐊᕐᓄᑦ, ᐱᒻᒪᕆᐅᕗᑦ, ᐊᒻᒪᓗ ᐊᒥᓱ ᐋᕿᒍᓐᓇᖅᓱᑎᒃ ᑭᓯᐊᓂ ᐊᓯᑦᑎᓐᓂᒃ ᐱᓕᕆᖃᑎᖃᕐᓂᒃᑯᑦ. ᐊᔭᐅᕈᒪᓂᐊᕈᑦᑎᒍᑦ ᑲᓇᑕᓕᒫᒥᐅᑕᐅᓂᑦᑎᓐᓄᑦ ᐃᓚᐅᕝᕕᒋᔭᕆᐊᖃᖅᑕᕗᑦ, ᑲᓇᑕᓂ ᑲᔪᓰᓐᓇᕐᓂᐊᖅᐳᖅ ᐱᓕᕆᖃᑎᖃᕐᓂᕐᒥᒃ ᐅᑭᐅᖅᑕᖅᑐᒥᐅᑕᐅᖃᑕᐅᔪᓂᒃ ᓄᓇᓕᒡᔪᐊᕐᓂᒃ ᐊᓯᖏᓐᓂᒃ ᓴᓂᓕᕆᔭᒥᓂᒃ, ᐊᖅᑯᑎᒋᓗᒋᑦ ᐅᑭᐅᖅᑕᖅᑐᒧᑦ ᑲᑎᒪᔨᕐᔪᐊᑦ, ᐅᑭᐅᖅᑕᖅᑑᑉ ᑕᕆᐅᕋᓗᐊᓂᒃ ᐃᒪᖃᖃᑕᐅᔪᓂᒃ, ᓯᒡᔭᖃᖃᑕᐅᔪᓂᒃ, ᐃᓱᒪᓘᑕᐅᔪᓂᒃ ᐱᓗᐊᖅᑐᒥᒃ ᐱᔾᔪᑎᖃᖅᑐᓂᒃ ᑕᕆᐅᕌᓗᖕᒥᒃ ᐃᒪᕐᒥᒃ, ᐊᒻᒪᓗ ᓴᓂᓕᕆᔭᒥᓂᒃ ᐅᑭᐅᖅᑕᖅᑐᒥ ᐃᓚᒋᕙᒃᑕᒥᓂᒃ, ᐱᓗᐊᖅᑐᒥᒃ ᐊᒥᐊᓕᑲᒥᐅᓂᒃ.

ᐅᑭᐅᖅᑕᖅᑐᒧᑦ ᑲᑎᒪᔨᕐᔪᐊᑦ ᓯᕗᓕᐅᖅᑎᐅᕗᑦ ᑲᑎᒪᕝᕕᐅᕙᒃᑐᑦ ᒐᕙᒪᐅᖃᑎᒌᒃᑐᑦ ᐱᓕᕆᖃᑎᒌᖕᓂᖏᓐᓄᑦ ᐅᑭᐅᖅᑕᖅᑐᒥ ᐃᓱᒫᓘᑕᐅᔪᓂᒃ. ᐊᔾᔨᐅᖏᑦᑐᒥᒃ ᐊᕿᐅᒪᓂᖏᑦ ᑲᑎᒪᔨᕐᔪᐊᑦ ᑲᑎᕝᕕᐅᕙᒃᐳᖅ ᑕᒪᐃᓐᓄᑦ ᐱᓕᕆᐊᒃᓴᖃᖅᑐᓄᑦ 8−ᖑᔪᑦ ᐅᑭᐅᖅᑕᖅᒥᐅᑕᐅᖃᑕᐅᔪᑦ ᓄᓇᓕᒡᔪᐃᑦ, ᐊᒻᒪᓗ 6-ᖑᓪᓗᑎᒃ ᐅᑭᐅᖅᑕᖅᑐᒥ ᓄᓇᖃᖄᖅᑐᑐᖃᐃᑦ ᐃᓚᒋᔭᐅᖏᓐᓈᕐᓂᐊᖅᑐᑦ − ᓴᖏᓂᖅᑖᕈᑕᐅᒋᐊᒃᑲᓂᖅᓱᑎᒃ ᐊᑑᑎᖃᑦᑎᐊᒃᑲᓐᓂᕈᑕᐅᓪᓗᑎᒡ ᐊᔾᔨᐅᖏᑦᑐᓄᑦ ᐊᒥᓱᓂᖔᖅᑐᓄᑦ ᑲᑎᒪᕕᐅᔪᒧᑦ.

ᑲᓇᑕᐅᑉ ᒐᕙᒪᒃᑯᖏᑦ ᓯᕗᓕᐅᖅᑎᐅᖃᑕᐅᕗᑦ ᐅᑭᐅᖅᑕᖅᑐᒧᑦ ᑲᑎᒪᔨᕐᔪᐊᕐᓄᑦ, 6−ᖑᔪᓄᓪᓗ ᐱᓕᕆᔨᐅᑎᑕᐅᔪᓄᑦ ᑎᒥᐅᔪᓄᑦ. ᑲᓇᑕ ᓯᕗᓪᓕᖅᐹᖑᓪᓗᓂ ᐃᒃᓯᕙᐅᑕᕆᔭᐅᓯᒪᔪᖅ ᐅᑭᐅᖅᑕᖅᑐᒥᐅᓄᑦ ᑲᑎᒪᔨᕐᔪᐊᕐᓄᑦ, 1996−ᒥᑦ 1998−ᒧᑦ, ᐃᒃᓯᕙᐅᑕᕆᔭᐅᒃᑲᓐᓂᓚᖓᓪᓗᑎᒡᓗ ᐱᒋᐊᕐᓗᑎᒃ 2013−ᒥ. ᑲᓇᑕ ᐃᓚᐅᖏᓐᓇᖅᐳᖅ ᐅᑭᐅᖅᑕᖅᑐᒧᑦ ᑲᑎᒪᔨᕐᔪᐊᕐᓄᑦ ᐱᓕᕆᔨᐅᑎᑕᐅᔪᓄᑦ ᑎᒥᐅᔪᓄᑦ ᐊᒻᒪᓗ ᓯᕗᓕᐅᖅᑎᐅᓯᒪᓪᓗᑎᒃ ᐱᒋᐊᖅᑎᑦᑎᓂᖅ ᐊᔾᔨᒋᖏᑦᑑᑎᓂᒃ. ᓲᕐᓗ ᐆᒃᑑᑎᒋᓗᒍ, ᑲᓇᑕᐅᑉ ᐃᑲᔪᖅᓂᕆᓚᐅᖅᑕᖓᓂᒃ 2009−ᒥ ᑕᕆᐅᕐᔪᐊᒃᑯᑦ ᐅᒥᐊᖅᑐᕐᕕᐅᔪᓐᓇᕐᓂᖓᓄᑦ ᖃᐅᔨᓴᖅᑕᐅᔪᓂ, ᐱᒻᒪᕆᐅᔪᓂᒃ ᖃᐅᔨᒪᑎᑦᑎᔾᔪᑕᐅᓪᓗᑎᒃ ᓯᕗᓂᒃᓴᓂ ᐅᒥᐊᕐᔪᐊᕐᓄᑦ ᐱᓕᕆᕕᐅᓕᕈᓐᓇᑐᐃᓐᓇᕆᐊᖃᕐᓂᖓᓂᒃ ᐅᒥᐊᕐᔪᐊᕐᓄᑦ ᐊᒻᒪᓗ ᖃᓄᖅ ᐊᒃᑐᐃᓂᖃᕈᓐᓇᕐᕋᔭᕐᒪᖔᑕ. ᑕᒪᓐᓇ ᖃᐅᔨᒪᑎᑦᑎᓂᐅᕗᖅ ᐱᓇᓱᐊᖅᑕᐅᖏᓐᓇᖅᑐᓂᒃ ᓴᓇᔭᐅᓇᓱᐊᕐᓂᖏᓐᓄᑦ ᐅᑭᐅᖅᑕᖅᑐᒥ ᒪᓕᒐᒃᓴᐃᑦ ᐅᒥᐊᕐᔪᐊᕐᓄᑦ ᐃᖏᕐᕋᕙᒃᑐᓄᑦ ᓯᑯᐃᓇᐅᕙᒃᑐᓂᒃ ᐃᒪᕐᓂ. ᑲᓇᑕ ᐃᓚᐅᓚᐅᕐᒥᔪᖅ ᐱᒻᒪᕆᐅᔪᓂᒃ ᐱᓕᕆᓪᓗᑎᒃ ᐱᕙᓪᓕᐊᔭᐅᓂᖏᓐᓂᒃ ᖃᐅᔨᓴᖅᑕᐅᓂᖏᓐᓂᒃ ᑐᖁᓐᓇᖅᑐᓖᒃ ᒨᑯᕆᒥᒃ ᐱᑕᖃᖅᑎᒋᓂᖏᑦ (Mercury−ᖃᕐᓂᖏᓐᓂᒃ) ᐅᑭᐅᖅᑕᖅᑐᒥ. ᐱᒻᒪᕆᐅᔪᓂᒃ ᑕᒪᓐᓇ ᖃᐅᔨᒪᔭᐅᓂᖓ ᖃᓄᖅ ᑐᖁᓐᓇᖅᑐᖃᖅᑎᒋᓂᖅ ᐱᑕᖃᕐᓂᖓ ᓱᓕ ᐅᓗᕆᐊᓇᕈᑕᐅᖕᒪᖔᑦ ᐃᓄᖕᓄᑦ ᐆᒫᔪᕐᓄᓪᓗ ᓂᕐᔪᑎᓄᑦ

2011−ᒥ, ᑲᓇᑕ ᐊᒻᒪᓗ 7−ᖑᔪᑦ ᐊᓯᖏᑦ ᐅᑭᐅᖅᑕᖅᑐᒥ ᓄᓇᓕᒡᔪᐊᖑᖃᑕᐅᔪᑦ ᐊᑎᓕᐅᓚᐅᖅᑐᑦ ᐊᖏᖃᑎᒌᒎᑎᓂᒃ ᐱᓕᕆᖃᑎᒌᖕᓂᐊᕐᓂᕐᒧᑦ ᖃᖓᑕᓱᒃᑯᑎᒍᑦ ᐊᒻᒪᓗ ᐅᒥᐊᖅᔪᐊᒃᑯᑦ ᑕᕆᐅᒃᑯᑦ ᕿᓂᖅᑎᐅᖃᑎᒌᖕᓂᕐᒧᑦ ᐊᒻᒪᓗ ᐃᑲᔪᕆᐊᖅᑎᐅᖃᑎᒌᖕᓂᕐᒧᑦ ᐱᓕᕆᕙᓐᓂᖅ ᐅᑭᐅᖅᑕᖅᑐᒥ. ᓯᕗᓪᓕᖅᐹᑦᑎᐊᖑᓪᓗᓂ ᒪᓕᒐᖅᑎᒍᑦ ᒪᓕᒋᐊᖃᕈᑕᐅᓕᕐᓂᐊᖅᑐᖅ ᐊᖏᕈᑎᓕᐊᖑᔪᖅ ᐱᖑᖅᑎᑕᐅᔪᖅ ᐊᐅᓚᑦᑎᔪᓐᓇᕐᓂᖏᓐᓄᑦ ᐅᑭᐅᖅᑕᖅᑐᒧᑦ ᑲᑎᒪᔨᕐᔪᐊᑦ, ᑕᒪᓐᓇ ᐃᖃᐃᑎᒋᐊᕈᑕᐅᒃᑲᓐᓂᕐᓂᐊᖅᐳᖅ ᐊᔪᖏᓐᓂᖏᓐᓂᒃ ᑲᑎᒪᔨᕐᔪᐊᑦ ᖃᓄᖅᑑᕈᑎᖃᕈᓐᓇᕐᓂᖅ ᓴᕿᑉᐸᓪᓕᐊᕙᒃᑐᓂᒃ ᐅᑭᐅᖅᑕᖅᑐᒥᐅᓄᑦ ᐃᓱᒪᓘᑕᐅᔪᓂᒃ.

2008−ᒥ ᐃᓗᓕᔅᓴᕐᒥ ᐃᓕᑕᕆᔭᐅᔾᔪᑎᒃᑯᑦ, ᑲᓇᑕᓗ ᓯᑕᒪᐃᓪᓗ ᐊᓯᖏᑦ ᐅᑭᐅᖅᑕᖅᑐᒥ ᓯᒡᔭᖃᖃᑕᐅᔪᑦ (ᑎᐊᓐᒫᒃ, ᓄᐊᕖ, ᕌᓯᐊᑉ ᓄᓈᓗᐊᓐᓂ ᑲᑐᔾᔨᖃᑎᒌᒡᔪᐊᑦ, ᐊᒻᒪᓗ ᐊᒥᐊᓕᑲᒥᐅᑦ) ᓇᓗᓇᐃᖅᓯᒋᐊᒃᑲᓐᓂᓚᐅᖅᑐᑦ ᐱᓕᕆᓂᐊᕐᓂᕐᒥᓂᒃ ᒫᓐᓇᐅᔪᖅ ᒪᓕᒐᖅᑎᒍᑦ ᑐᖓᕕᒃᓴᓂᒃ ᐊᐅᓚᑦᑎᓂᕐᒧᑦ ᐅᑭᐅᖅᑕᖅᑐᒥ ᑕᕆᐅᕌᓗᖕᒥᒃ. ᐊᑖᒍᑦ ᑕᐃᒪ ᑕᒪᑐᒪᐅᑉ ᒪᓕᒐᖅᑎᒍᑦ ᐃᓕᑕᕆᔭᐅᓯᒪᔫᑉ ᑐᖓᕕᓕᐅᕈᑎᒃᓴᐅᑉ, ᒐᕙᒪᒃᑯᑦ ᐱᓇᓱᐊᓯᕗᑦ ᓄᓇᕐᔪᐊᕐᒥᐅᑕᓕᒫᓄᑦ ᐃᓕᑕᕆᔭᐅᔪᒪᓂᖅ ᐊᖏᔫᑎᒋᓂᖓᓂᒃ ᑲᓇᑕᐅ ᓄᓇᖁᑎᖓᓂᒃ ᑕᕆᐅᑉ ᐃᑭᖓᓃᓐᓂᓕᒫᖓ.

2010−ᒥ, ᒥᓂᔅᑕᐅᔪᖅ ᑲᓇᑕᐅᑉ ᓯᓚᑎᒥᐅᑕᓕᕆᓂᕐᒧᑦ ᑲᑎᒪᖃᑎᖃᓚᐅᖅᑐᖅ ᐊᓯᖏᓐᓂᒃ ᓄᓇᓕᒡᔪᐊᑦ ᓯᓚᑎᒥᐅᑕᓕᕆᔨᒃᑯᖏᓐᓄᑦ ᐊᓯᖏᓐᓂᒃ ᐅᑭᐅᖅᑕᖅᑐ ᑕᕆᐅᕐᒥᒃ ᑕᕆᐅᖃᖃᑕᐅᔪᓂᒃ ᓄᓇᓕᒡᔪᐊᕐᓂᒃ, ᐅᖃᐅᓯᓂᖏᓐᓂᒃ ᑕᒪᐃᓐᓄᑦ ᐃᓚᐅᕝᕕᐅᔭᕆᐊᖃᖅᑐᓂᒃ ᐃᓱᒪᒋᕙᒃᑕᖏᓐᓂᒃ, ᐊᒻᒪᓗ ᑲᒪᔨᐅᖃᑕᐅᓂᖏᓐᓂᒃ ᐊᐅᓚᑕᐅᓂᖏᓐᓂᒃ ᐃᓚᖏᑦ ᐅᑭᐅᖅᑕᖅᑐᒥ ᑕᕆᐅᕋᓗᒃ. ᐅᖃᓯᐅᓚᐅᖅᑐᑦ ᑕᐃᑲᓂ ᓄᓇᖁᑎᒋᔭᐅᔪᑦ ᐃᕿᖓᓂ ᑕᕆᐅᑉ, ᑕᑭᓂᖏᑦ/ᐊᖏᓂᖏᓪᓗ ᑕᕆᐅᑉ ᐊᑕᓄᑦ ᓄᓇᓕᒡᔪᐊᕐᓄᑦ, ᐊᒻᒪᓗ ᐃᓄᓕᒫᓄᑦ ᐅᓗᕆᐊᓇᕐᓂᕐᒧᐊᕈᑕᐅᑐᐃᓐᓇᕆᐊᖃᕐᓂᖏᓐᓂᒃ, ᐊᒻᒪᓗ ᐱᔾᔪᑕᐅᓪᓗᑎᒃ ᓴᕿᑕᐅᓕᓚᐅᖅᑐᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᕐᒥ ᐃᒪᕐᓄᑦ ᑲᒥᓯᓇᐅᔪᓄᑦ. ᑕᐃᒃᑯᐊ ᑲᒥᓯᓇᐃᑦ ᐱᑕᖃᕐᓂᖏᓐᓄᑦ ᑐᑭᓯᐅᒪᔭᐅᑦᑎᐊᕐᓂᖅᓴᐅᓕᕐᓂᐊᖅᑐᑦ ᖃᓄᐃᓕᖓᓂᖏᓐᓂᒃ ᐅᑭᐅᖅᑕᖅᑐᒥ ᑕᕆᐅᕋᓗᒃ (ᖃᓄᐃᓕᖓᑎᑕᐅᓚᖓᓂᖓᓂᒃ) ᐊᒻᒪᓗ ᓯᒡᔭᖁᑎᒋᔭᐅᓂᖏᓐᓂᒃ , ᖃᐅᔨᒪᔭᐅᑦᑎᐊᕆᐊᖃᕐᓂᖏᓐᓂᒃ ᐅᒥᐊᖅᑐᕐᕕᐅᑦᑎᐊᕈᓐᓇᕐᓂᐊᕐᒪᑕ ᐅᓗᕆᐊᓇᖅᑐᖃᖏᓪᓗᓂ.

“ᑖᑯᐊ ᒐᕙᒪᒋᕗᑦ ᐱᓂᐊᕐᓂᖃᖅᐳᑦ ᐅᔾᔨᖅᑐᕐᓂᕐᒥᒃ ᐅᑭᐅᖅᑕᖅᑐᒥ ᑮᓇᐅᔭᓕᐅᕈᑎᒃᓴᓄᑦ ᐱᕙᓪᓕᐊᔾᔪᑎᒃᓴᐃᑦ ᓴᕿᑉᐸᓪᓕᓂᖏᑦ ᐃᓚᐅᓪᓚᕆᒡᓗᑎᒃ ᑕᐃᒃᑯᐊ ᐃᓅᔪᑦ ᐱᓕᕆᔪᓪᓗ ᐅᑭᐅᖅᑕᖅᒥ,” ᔮᓐ ᑕᓐᑭᓐ, ᒥᓂᔅᑕ ᓄᓇᖃᖄᖅᑐᓕᕆᓂᕐᒧᑦ (ᐃᓄᓕᕆᔨᑐᖃᒃᑯᑦ)


ᓯᕗᓕᐅᖅᑎᐅᓂᖅᐅᑭᐅᖅᑕᖅᑐᒥᖃᐅᔨᓴᕐᓂᕐᒥᐱᔾᔪᑎᖃᖅᑐᓂᒃᓴᓇᕐᕈᑎᓕᕆᓂᕐᒥᓪᓗᓄᑖᓂᒃ

ᖃᐅᔨᓴᕈᑎᓕᕆᓂᖅ ᐊᒪᓗ ᓄᑕᓂᒃ ᓴᓇᕐᕈᑎᓕᕆᓂᖅ ᐱᑕᖃᕈᑕᐅᕗᑦ ᐱᑕᖃᕆᐊᖃᒻᒪᕆᒃᑐᓄᑦ ᑐᑭᖃᑦᑎᐊᖅᑐᓂᒃ ᐊᑐᐊᒐᓕᐅᕈᓐᓇᕐᓂᕐᒧᑦ ᐊᒻᒪᓗ ᐃᓱᒪᓕᐅᕈᑎᖃᕐᓂᕐᒧᑦ. ᑲᓇᑕ ᐊᖏᓂᖅᐹᑦᑎᐊᒥᒃ ᐃᓄᑑᓪᓗᓂ ᐃᑲᔪᕐᓂᖃᓚᐅᖅᐳᖅ ᓄᓇᕐᔪᐊᕐᒥᐅᓂ ᐅᑭᐅᖅᑕᖅᑑᑉ ᐊᕐᕋᒍᖓᓂᒃ 2007-2008−ᒥ, ᐱᕕᒃᓴᖃᕆᑕᐅᓚᐅᖅᓱᓂ ᑕᒪᒃᑭᕆᐊᖅᑐᓂᒃ ᐱᔭᕆᐊᑐᔪᓂᒃ ᖃᐅᔨᓴᕐᓂᖅ ᐃᓱᒪᓘᑕᐅᔪᓂᒃ ᒫᓐᓇᐅᔪᖅ ᓵᖓᔭᖏᓐᓂᒃ ᐅᑭᐅᖅᑕᖅᑐᒥᐅᑕᐅᓂᒃ ᐅᑭᐅᖅᑕᖅᑐᒥ ᓄᓇᓕᒡᔪᐊᖑᖃᑕᐅᔪᓂ. ᑲᓇᑕᒥ ᑲᑎᒪᑎᑦᑎᓂᐊᕐᒥᔪᖅ ᓄᓇᕐᔪᐊᕐᒥ ᐅᑭᐅᖅᑕᖅᑑᑉ ᐊᕐᕋᒍᐊᓂ ᒪᑐᔭᐅᕙᓪᓕᐊᓂᕐᒧᑦ ᑲᑎᒪᕐᔪᐊᕐᓂᒃᒥ, ᑕᐃᔭᐅᓂᐊᖅᑐᓂᒃ “ᖃᐅᔨᒪᓂᕆᔭᐃᑦ, ᐱᓕᕆᔾᔪᑎᒋᒋᐊᕐᓗᒍ”, ᒫᓐᑐᕇᔭᒥ ᐄᐳ 2012−ᖑᓕᖅᐸᑦ.

2007−ᒥ, ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᖅᓯᒋᐊᒃᑲᓐᓂᓚᐅᖅᑐᑦ ᐱᒻᒪᕆᐅᓂᖏᓐᓂᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᓕᕆᓂᖅ, ᐱᓂᐊᕐᓂᕋᐃᓪᓗᑎᒃ ᓴᕿᑦᑎᑦᑎᓂᐊᕐᓂᖅ ᓄᑖᒥᒃ, ᐱᐅᓂᖅᐹᑦᑎᐊᖑᖃᐅᑕᐅᔪᓂᒃ ᓄᓇᕐᔪᐊᓕᒫᒥ, ᖃᐅᔨᓴᕐᕕᒃᓴᓂᒃ ᐅᑭᐅᖅᑕᖅᑐᒥ. ᐃᖃᓗᒃᑑᑦᑎᐊᖅ, ᓄᓇᕗᑦ ᓂᕈᐊᖅᑕᐅᓚᐅᖅᑐ ᐃᓂᒃᓴᕆᔭᐅᓂᐊᕐᓂᖓ ᐋᒐᓯ 2010−ᖑᑎᓪᓗᒍ, ᐊᒻᒪᓗ ᑎᓕᔭᐅᓯᒪᓪᓗᑎᒃ ᑖᒃᑯᐊ ᐱᓕᕆᐊᒃᓴᐃᑦ ᑕᐃᒃᑯᐊᓗ ᑐᓴᒐᒃᓴᐅᓚᐅᖅᓱᑎᒃ ᑎᓯᐱᕆ 2010−ᒥ. ᑲᓇᑕᐅᑉ ᖁᑦᑎᒃᑐᒥ ᖃᐅᔨᓴᕐᕕᖓᑦ ᒪᑐᐃᖓᓂᐊᖅᑐᖅ ᐊᕐᕋᒍᓕᒫᖅ, ᐊᒥᓱᓂᒃ ᐊᔾᔨᒌᖏᑦᑑᑎᓂᒃ ᖃᐅᔨᓴᕐᕕᐅᓗᓂ, ᑎᓕᔭᐅᓯᒪᓗᓂ ᖃᐅᔨᒋᐊᖃᑦᑕᕐᓂᖅ ᓄᑕᐅᓂᖅᐸᓂᒃ ᐅᑭᐅᖅᑕᖅᑐᒥᒃ ᖃᐅᔨᓴᕐᓂᕐᒥᒃ ᐊᒻᒪᓗ ᓴᓇᕐᕈᑎᓕᕆᓂᕐᒥᒃ ᐃᓱᒪᓗᑕᐅᕙᒃᑐᓂᒃ, ᑐᖓᕕᐅᓗᑎᒡᓗ ᓴᖏᔪᒥᒃ ᖃᐅᔨᓴᖅᑎᐅᓂᕐᒥᓂᒃ ᓇᔪᐃᓂᕐᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ, ᐱᔨᑦᑎᕋᖅᑎᐅᔪᒥᒃ ᑲᓇᑕᒥᒃ ᓄᓇᕐᔪᐊᕐᒥᒡᓗ, ᐊᒻᒪᓗ ᓯᕗᒻᒧᐊᒃᑎᑎᓂᕐᒥᒃ ᑲᓇᑕᐅᑉ ᖃᐅᔨᒪᓂᖓᓂᒃ ᐅᑭᐅᖅᑕᖅᑐᒥᒃ ᑐᕌᖓᓗᑎᒃ ᐱᐅᓯᒋᐊᕈᑎᒃᓴᓂᒃ ᑮᓇᐅᔭᓕᐅᕈᑎᒃᓴᓂᒃ ᑲᑭᕚᓪᓕᕈᑕᐅᔪᓐᓇᖅᑐᓂᒃ, ᐊᕙᑎᒥᒃ ᐋᕿᐅᒪᑎᑦᑎᑦᑎᐊᕐᓂᖅ, ᐊᒻᒪᓗ ᐱᐅᔪᒥᒃ ᐃᓅᓯᖃᕐᓂᖏᓐᓄᑦ ᐅᑭᐅᖅᑕᖅᑐᒥᐅᑕᐃᑦ ᑲᓇᑕᒥᐅᓕᒫᓪᓗ.

 “ᒐᕙᒪᒋᔭᕗᑦ ᐃᓕᑕᖅᓯᓯᒪᕗᑦ ᐱᒻᒪᕆᐅᓂᖓᓂᒃ ᐅᑭᐅᖅᑕᖅᑑᑉ. ᐊᖅᑯᑎᒋᓗᒋᑦ ᑲᓇᑕᐅᑉ ᑮᓇᔭᐅᓕᕈᑎᒃᓴᓄᑦ ᐱᓕᕆᐊᒃᓴᓄᑦ ᐸᕐᓇᐅᑎᖏᑦ, ᐊᒻᒪᓗ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᓕᐊᖑᓯᒪᔪᑦ, ᐱᒻᒪᕆᐅᔪᓂᒃ ᑲᔪᓯᕙᓪᓕᐊᓕᖅᑐᒍᑦ ᐃᑲᔪᕐᓂᕐᒥᒃ ᑕᒪᑐᒥᖓ ᐱᑕᖃᕆᐊᖃᒻᒪᕆᒃᑐᒥᒃ ᐊᕕᒃᑐᖅᓯᒪᓂᐅᔪᒥᒃ ᐱᕈᑦᑎᐊᕈᓐᓇᕐᓂᖅ.” ᓕᐅᓇ ᐊᒡᓘᒃᑲᖅ, ᒥᓂᔅᑕᐅᔪᖅ ᐊᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᒥᓂᔅᑕᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᑕ ᑮᓇᐅᔭᓕᐅᕈᑎᒃᓴᖏᓐᓄᑦ ᐱᕙᓪᓕᐊᓂᕐᒧᑦ ᐃᖃᓇᐃᔭᕐᕕᒃ

ᐱᓕᕆᓯᒪᓕᖅᑐᑦ ᐅᑭᐅᖅᑕᖅᑐᒥ ᖁᑦᑎᒃᑐᕐᒥᐅᓂ ᖃᐅᔨᓴᕐᕕᖕᓂ ᐊᒥᓱᒐᓴᖕᓂᒃ ᐊᔾᔨᒋᖏᑦᑑᓂᒃ, ᓲᕐᓗ ᓇᓗᓇᐃᖅᑕᐅᓂᖏᓐᓂᒃ ᖃᐅᔨᓴᑕᐅᔪᒃᓴᐃᑦ ᐊᒻᒪᓗ ᓴᓇᕐᕈᑎᒃᓴᐃᑦ ᓯᕗᓕᐅᑎᑕᐅᔪᒃᓴᐃᑦ, ᐊᒻᒪᓗ ᑐᑭᓕᐅᖅᓯᑕᐅᓂᖏᓐᓂᒃ ᓄᓇᓕᖕᒥ ᐃᓂᒃᓴᕆᔭᐅᔭᕆᐊᓕᑦ ᐊᒻᒪᓗ ᐱᔨᑦᑎᕋᖅᑕᐅᔭᕆᐋᓕᑦ. 2009−ᖑᑎᓪᓗᒍ, ᑲᓇᑕᐅᑉ ᑮᓇᐅᔭᓕᐅᕈᑎᒃᓴᓄᒃ ᐱᓕᕆᐊᒃᓴᓄᑦ ᐸᕐᓇᐅᑎᖏᑦ (CEAP−ᑯᑎᒍᑦ) ᑐᓂᓯᓚᐅᖅᑐᑦ $2 ᒥᓕᔭᓐᓂᒃ ᐊᔪᕐᓇᕋᔭᖏᒻᒪᖔᑦ ᖃᐅᔨᓴᖅᑕᐅᓂᕐᒧᑦ, ᐊᒻᒪᓗ 2010−ᒥ, ᒐᕙᒪᒃᑯᑦ ᑐᓂᓯᐊᓂᐊᕐᓂᓚᐅᖅᑐᑦ $18 ᒥᓕᔭᓐᓂᒃ ᐱᓕᕆᔾᔪᑎᒃᓴᓄᑦ ᓴᓇᔭᐅᒋᐊᕐᓂᐊᓕᖅᑎᓪᓗᒋᑦ ᑎᑎᕋᖅᑕᐅᓯᒪᓂᖏᓐᓂᒃ. ᒐᕙᒪᒃᑯᑦ ᓇᓗᓇᐃᖅᓯᒋᐊᓪᓚᓚᐅᕐᒥᔪᑦ ᐱᓂᐊᕐᓂᕐᒥᒃ ᐃᑲᔪᖅᓱᐃᔪᒪᓂᖅ ᖃᐅᔨᓴᕐᓂᕐᒥᒃ ᓴᓇᕐᕈᑎᒃᓴᓕᕆᓂᕐᒥᓗ ᓇᓂᑐᐃᓐᓇᖅ ᐅᑭᐅᖅᑕᖅᑐᒥ, ᑐᓂᓯᓪᓗᑎᒃ $85 ᒥᓕᔭᓐᓂᒃ ᐅᑭᐅᖅᑕᖅᑐᒥ ᖃᐅᔨᓴᕐᓂᕐᒧᑦ ᐱᖁᑎᕐᔪᐊᖃᕈᑎᒃᓴᓄᑦ ᑮᓇᐅᔭᓂᒃ. ᑕᒪᒃᑯᐊ ᑮᓇᐅᔭᐃᑦ ᑐᕋᖓᔪᑦ ᓄᑖᕈᖅᑎᖅᑕᐅᓂᖏᓐᓄᑦ ᐱᒻᒪᕆᐅᔪᑦ ᖃᐅᔨᓴᕐᕖᑦ 46−ᖑᔪᓂ ᐃᓂᖃᖅᑐᓃᑦᑐᑦ ᐅᑭᐅᖅᑕᖅᑐᒥ, ᐱᔭᕇᖅᑕᐅᓪᓗᑎᒃ ᒫᔾᔨ 2011-ᒥ. ᐅᑭᐅᖅᑕᖅᑐᒥ ᖃᐅᔨᓴᕈᑎᓕᕆᓂᖅ ᓴᓇᕐᕈᑎᒃᓴᓕᕆᓂᕐᒥᒡᓗ ᐊᑐᖅᑕᐅᓕᕆᕗᑦ ᓴᐳᓐᓂᐊᖅᑕᐅᓂᖏᓐᓄᑦ ᑲᓇᑕᐅᑉ ᐅᑭᐅᖅᑕᖅᑐᒥ ᐱᐅᓯᑐᖃᖏᑦ. ᐊᖅᑲᐅᒪᔫᓂᒃ ᓴᓇᕐᕈᑎᓂᒃ ᐆᒃᑐᕋᖅᐸᓪᓕᐊᓕᕐᒥᔪᑦ ᐃᓚᒋᓪᓗᒋᑦ ᓯᑯᓯᐅᑏᑦ ᓯᒡᔭᒥᒃ ᓴᐳᓐᓂᐊᖅᑎᐅᔪᑦ ᐅᒥᐊᕐᔪᐊᖓᑦ CCGS Wilfrid Laurier, ᖃᐅᔨᔭᐅᔪᒪᓪᓗᑎᒃ ᓴᕿᑐᓐᓇᖅᑐᑦ 1800−ᖏᓐᓂ ᖃᐅᔨᖄᑕᐅᓇᓱᓚᐅᖅᓯᒪᔪᕕᓃᑦ ᐅᑭᐅᖅᑕᖅᑑᑉ ᐃᒪᕕᐊᒍᑦ ᓄᓇᕐᔫᑉ ᐊᑭᐊᓄᑦ ᐃᑳᕐᕕᐅᔪᓐᓇᖅᑐᖅ. ᐊᐅᔭᒃᑯᑦ 2011−ᒥ, ᐊᐅᓪᓛᖅᓯᒪᔪᑦ ᖃᐅᔨᓴᕐᓂᐊᖅᑐᑦ 2008−ᒥᒃ ᐊᒻᒪᓗ ᖃᐅᔨᓂᐊᕐᕕᒋᓗᒋᑦ ᓱᓕᒃᑲᓐᓂᖅ 2010-ᖑᓚᐅᖅᑐᒥ, ᖃᐅᔨᓴᖅᑕᐅᖏᓐᓇᕐᓗᑎᒃ ᐊᒻᒪᓗ ᕿᓂᖅᑕᐅᖏᓐᓇᕐᓗᑎᒃ ᐃᑳᕐᕕᒃᓴᖅᓯᐅᑎᕕᓂᖅ ᐅᒥᐊᕐᔪᐊᒃᑯᑦ ᐊᐅᓛᖅᑎᐅᓚᐅᖅᓯᒪᔪᖅ ᑕᐃᔭᐅᔪᖅ ᓲᕐ ᔾᔮᓐ ᕗᕋᖕᑭᓕᓐ Sir John Franklin ᐅᒥᐊᕐᔪᐊᖁᑎᕕᓂᖏᑦ, ᑕᐃᔭᐅᔫᒃ ᐃᐅᕆᐸᔅ HMS Erebus ᐊᒻᒪᓗ ᑎᐅᕈᕐ HMS Terror, ᐊᒻᒪᓗ ᑕᐃᓐᓇ ᐅᒥᐊᕐᔪᐊᖅ ᑕᐃᔭᐅᔪᖅ ᐃᓐᕙᔅᑎᒌᑕ (ᑐᑭᓕᒃ ᖃᐅᔨᓴᖅᑎᒥᒃ) Investigator−ᒥ ᐅᒥᐊᕐᔪᐊᖅ ᓱᕋᖅᑎᖅᑐᕕᓂᐅᓚᐅᖅᑐᖅ ᐊᐅᔭᐅᓚᐅᖅᑐᖅ, ᐊᒻᒪᓗ ᐊᓯᓐᖏᓐᓂᒃ ᐃᓄᕕᓂᕐᓂᒃ ᖃᐅᔨᓴᖅᑕᐅᓗᑎᒃ ᖃᓂᒋᔭᖏᑦ ᓄᓇᐃᑦ.

ᖃᓄᐃᓕᐅᕈᑕᐅᓂᖏᑦ ᖃᐅᔨᓴᕐᓂᓕᕆᓂᒃᑯᑦ ᐃᑲᔪᖅᓱᐃᓂᕐᒧᑦ ᒐᕙᒪᒃᑯᓐᓂᒃ ᑲᓇᑕᒥ ᐅᑭᐅᖅᑕᖅᑐᒥ ᐱᕈᖅᐸᓪᓕᐊᑐᐃᓐᓇᖅᐳᖅ. ᓄᓇᖑᐊᓕᐅᖅᑕᐅᓂᖓ ᐃᖅᑲᖓ ᓇᑎᖓᓗ ᐅᑭᐅᖅᑕᖅᑑᑉ ᑕᕆᐅᕌᓗᐊ ᐱᕙᓪᓕᕈᑕᐅᒻᒪᕆᖕᓂᐊᖅᑐᖅ ᐸᕐᓇᐃᓂᖓᓄᑦ ᑲᓇᑕᐅᑉ ᑐᓂᓯᔪᒫᕐᓂᖓᓂ ᐃᓱᒪᓕᐅᕈᑕᖁᓪᓗᒍ, ᓄᓇᕐᔪᐊᕐᒥᐅᑦ ᑲᑎᒪᔨᕐᔪᐊᖏᓐᓄᑦ ᑲᒥᓯᓇᐅᔪᓄᑦ ᐱᔾᔪᑎᖃᖅᑐᓂᒃ ᑭᒡᓕᖃᖅᑎᑕᐅᓂᖏᓐᓂᒃ ᓄᓇᓕᒡᔪᐊᑦ ᐃᒪᕐᒥ ᐱᖁᑎᖏᑦ, ᓄᓇᕐᔪᐊᕐᒥᐅᓄᑦ ᐃᓕᑕᕆᔭᐅᔪᒪᓂᐊᕐᒪᑕ ᑕᒪᐃᓐᓂᒃ ᑲᓇᑕᐅᑉ ᓄᓇᖁᑎᕐᔪᐊᖓᓂᒃ ᐃᒪᐅᑉ ᐊᑖᓃᑦᑐᓂᒃ. ᑲᓇᑕᐅᑉ ᒐᕙᒪᒃᑯᖏᑦ ᖃᐅᔨᒪᖃᑎᖃᓚᐅᖅᑐᑦ ᓄᓇᖑᐊᓕᐅᖅᑕᐅᔪᓐᓇᕐᒪᖔᑕ ᐃᒪᐅᑉ ᐊᑖᓃᑦᑐᒥᒃ ᓄᓇᖏᑦ ᓇᓗᓇᐃᖅᑕᐅᔪᒪᓪᓗᑎᒃ ᑕᕆᐅᖁᑎᒋᓇᔭᖅᑕᖏᑦ ᑲᓇᑕᐅᑉ. ᖃᐅᔨᓴᖅᑕᐅᔪᑦ ᖃᐅᔨᓴᕈᑏᓪᓗ ᓴᓇᕐᕈᑏᑦ ᓄᑖᑦ ᓲᕐᓗ ᐃᖕᒥᓂᒃ ᐊᐅᓚᔪᓇᖅᑐᑦ ᐊᖅᑲᐅᒪᔫᑦ − ᓴᓇᔭᐅᓯᒪᔪᑦ ᑲᓇᑕᒥ − ᐊᑐᖅᑕᐅᖃᑦᑕᖅᓯᒪᓕᖅᑐᑦ ᑲᑎᖅᓱᐃᓂᕐᒥᒃ ᐃᒪᐅᑉ ᐃᑎᓂᖏᓐᓂᒃ ᐃᑲᔪᕐᓂᖃᕐᓂᐊᖅᑐᓂᒃ ᑕᕆᐅᑉ ᐊᑖᓂ ᓄᓇᐃᑦ ᐃᕿᖓ ᖃᓄᐃᑦᑑᖕᒪᖓ ᐃᑎᔪᓃᑦᑐᑦ.

ᑲᓇᑕᐅᑉ ᑕᐅᑐᒐᕆᔮ ᓯᕗᓂᒃᓴᒧᑦ

ᑲᓇᑕᐅᑉ ᒐᕙᒪᖓ ᐅᑭᐅᖅᑕᖅᑐᒥᐅᑕᓂᒃ ᓯᕗᓪᓕᖅᐸᖑᑎᑦᑎᑦᑎᐊᖅᓯᒪᕗᑦ, ᐱᓕᕆᐊᒃᓴᐅᑎᑕᐅᓕᖅᓱᓂ ᖁᑦᑎᓐᓂᖅᐹᖑᖃᑕᐅᔪᒥᒃ, ᑕᐃᒪᐃᓯᒪᖏᑦᑐᒥᒃ ᐊᒥᓱᓂᒃ ᐊᕐᕋᒍᓂᒃ. ᒐᕙᒪᒋᔭᐅᓕᖅᑐᑦ ᑐᑭᓯᓇᑦᑎᐊᖅᑐᒥᒃ ᑕᐅᑐᒐᖃᕐᒪᑦ ᐅᑭᐅᖅᑕᖅᑐᒥ, ᖃᓄᐃᖏᑦᑑᓗᓂ, ᐊᔪᖅᓴᖏᑦᑑᓗᓂ, ᐊᕕᒃᑐᖅᓯᒪᓂᐅᓂᖓ, ᓴᖏᔫᓪᓗᑎᒃ ᐊᑕᓗᓂᓗ ᑲᓇᑕᒧᑦ. ᓯᕗᒻᒧᐊᒃᑎᑕᐅᕙᓪᓕᐊᓂᖏᓐᓂ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᐃᑦ ᐱᓂᐊᕐᓂᕆᔭᐅᔪᑦ ᐊᒻᒪᓗ ᐅᔾᔨᖅᑐᑦᑎᐊᕐᓂᕐᒧᑦ ᓴᕿᑉᐸᓪᓕᐊᔪᑦ ᐃᑲᔪᕐᓂᖃᕐᓂᖏᓐᓂᒃ ᐅᑭᐅᖅᑕᖅᑐᒥᐅᑕᓂᒃ, ᑲᓇᑕᐅᑉ ᒐᕙᒪᒃᑯᖏᑦ ᐱᒻᒪᕆᐅᔪᓂᒃ ᐱᕙᓪᓕᐊᓯᒪᔪᑦ ᑕᒪᐃᓐᓂᑦᑎᐊᖅ ᓯᑕᒪᐅᔪᒥᒃ ᓯᕗᓕᖅᐸᐅᔾᔭᐅᑎᑕᐅᓯᒪᔪᓂᒃ ᐊᕕᒃᑐᖅᓯᒪᔪᓂᒃ: ᐅᑭᐅᖅᑕᖅᑐᒥᒃ ᑲᓇᑕᒧᑦ ᓄᓇᖁᑎᖃᕐᓂᕐᒥᒃ ᓇᓗᓇᐃᖅᓯᓯᒪᓂᖅ, ᓴᐳᓐᓂᐊᖅᑕᐅᓂᖏᑦ ᐊᕙᑎᕗᑦ ᓄᓇᖁᑎᕗᑦ, ᐊᔭᐅᖅᑕᐅᓂᖏᑦ ᐃᓅᓯᓕᐅᕈᑎᔅᓴᐃᑦ ᐊᒻᒪᓗ ᑮᓇᐅᔭᓕᐅᕈᑎᔅᓴᐃᑦ ᐱᕙᓪᓕᐊᑎᑕᐅᓂᖏᑦ, ᐊᒻᒪᓗ ᐱᐅᓯᒋᐊᖅᑎᑕᐅᓂᖏᑦ ᐊᒻᒪᓗ ᑎᒍᒥᐊᑕᐅᕙᓪᓕᐊᓂᖏᑦ ᐅᑭᐅᖅᑕᖅᑐᒥᒃ ᐊᐅᓚᑦᑎᔨᐅᔪᓐᓇᐅᑎᑦ.